1 Kɔ̀rintìyà 14:31 - Mokpwe: Bakwery (New Testament)

³¹ O ène ŋgàna, hwatò hwa arzɛ ema hwa ohwà ŋmɛ̀ndì mo ama Lohwà, wɔ̀ hwa àrzɛ, hwa hwɛnɛ̀ hvondà o lì ohwà, mɔ̀kɛ-mɔ̀kɛ. Aŋga nanù hwatò hwa àrzɛ hwa okowà na lì kɔmɛ̀lɛ̀hwɛ̀.

1 Kɔ̀rintìyà 14:31 ပူးပေါင်းရင်းမြစ်များ

Ròmànì 1:12

Jànda ja mamɛ ema nà òhwa ì hwèlì ndi nanù ema, inyɔ nà imba jè èmbɛ̀ mɔ̀kɔ nà ɔ̀nɛyi. Lìlòkɛ̀ là amì lì è èmbɛ̀ inyɔ hvɛ lìlòkɛ̀ là anyu lì nò embɛ.

1 Kɔ̀rintìyà 14:19

Ndi o tenì ya hwèlìyelì hwe Ndawò yà Lohwà, nà lɔ̀wu lì ohwa hweyà hweta ema hwe òŋgòwànà hwàhvɛ̀hvɛ̀ hwatò ò lì rzɔ̀ŋgìtɛ̀nɛ̀, lì aka lì ohwa, lìyòmè la hwekolì hwe hweyà o mbɔrzi ema tɔ̀ mòtò a rzà rzɔ̀ŋgìtɛ̀nɛ̀.

1 Kɔ̀rintìyà 14:3

Ndi è mòtò ema à ohwa ŋmɛ̀ndì mo ama Lohwɛ̀, mɔ̀ à gbeyà ndi nanù o lì ètìrzɛ̀ hwahvɛhvɛ hwatò, à hwa kɔmɛ̀lɛ̀ o lòŋgɛ, na lì hwa lɔ̀kɔ hvɛ meèmà.

1 Kɔ̀rintìyà 14:30

È hwèlì tɛ ema mòtò mɔ̀kɔ ema a hwèlì o ŋmèmba, a lu tɛ ŋmɛ̀ndì ema Lohwɛ̀ à mà wuluhwèlì, e mòtò ema a hwèlì a ohwa, a hwɛnì lì hwɛmɛ jòòhwì ja eni.

1 Kɔ̀rintìyà 14:32

È hwiye nanù ema è wɔ̀ ema hwa ohwa ŋmɛ̀ndì mo ama Lohwɛ̀ hwa hwɛnì ndi lì kaneyà jàhwèyà ema Èlìŋgɛ̀ yà Lohwà e hwa ŋgbelì.

1 Kɔ̀rintìyà 14:35

Hwalanà hwa a rzi tɛ ò lì ijòlɛ̀lɛ̀ eyà, hwa ijowè ndi mejomè me awu, o màandà mà awu. Èhwanja e hwèlì ndi eyà ya ìrzɔnì ema molanà a ohwe eyà o tenì yà e Ndawò yà Lohwà.

2 Kɔ̀rintìyà 1:4

À jò ètirzɛ mèèmà mè arzu ò lì hvomɛ̀nɛ̀ i ndùtù ja arzu ja àrzɛ ema i lùwa. O lì àrza nanù ema irzɔhvɛ i ètirzɛ mèèmà me hwanɛ̀yi hwatò ema wɔ̀ hvɛ hwa ohvi nyayi nà nyayi ja ndùtù. Inyɛ̀ i hwa ètìrzɛ̀ mèèmà me awu, nà omà Lohwɛ̀ mɔ̀ hvɛ à jo ètìrzɛ̀, e me arzu mèèmà.

Ɛ̀hvìrzìyà 6:22

Nà è òmeyà è mɔ̀ àŋga nanù mɔ̀ à è ohweyà hweyà ema hwe jò gbèyɛ̀nɛ. Nà ò lì è ètìrzɛ̀ mèèmà mè anyu.

Kòlòrzìyà 2:2

Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

1 Tɛ̀rzàlonìyà 4:18

O eŋgànɛ̀lɛ rzɔ̀, e gbeyàne hwene hwèyòkòlèlì o lì kɔ̀mɛlɛ mɔ̀kɔ na ɔ̀nɛyi.

1 Tɛ̀rzàlonìyà 5:11

O eŋgànɛlɛ e akɔ̀mɛ̀lɛ̀nɛ̀ mɔ̀kɔ na ɔ̀nɛyi rzìi e aòŋgowàne hvɛ mɔ̀kɔ na ɔ̀nɛyi na oma e gbeyà naŋgɛ̀.

1 Tɛ̀rzàlonìyà 5:14

Ìi wònyàmòwe kòkò, nà je e ohweyà hvɛ nanù ema e kòkòwɛ̀lɛ̀ hwatò ema hwa hwèlì rzìŋgà nanù ema hwa àŋgàmɛ̀nɛ̀yi lì gbeyà èwòlò, e embɛ̀ hwaŋga ema hwa oka wɔ̀ŋgɔ̀, e oŋgowane hwaŋga ema hwa rza ohvɛɛ ŋginyà, e a àjùlɛ̀nɛ̀ mɔ̀kɔ na ɔ̀nɛyi.

1 Tɛ̀rzàlonìyà 5:20

È rzi rzɔ̀njɛlɛ o lì ohwa ŋmɛ̀ndì ema Lohwɛ̀ a ohwi nanù ema e ohwe.