1 Kɔ̀rintìyà 14:27 - Mokpwe: Bakwery (New Testament)

²⁷ Hwatò ema hwa hwɛnì lì ohwà o ihvɛhvɛ mbɔrzi, hwa rza hwɛnì lì aka hwàyàwo. Wɔ̀ hwa hwɛnì ndi lì ohwà mɔ̀kɛ-mɔ̀kɛ. Ndèŋgànà mòtò mɔ̀kɔ a hwɛnì lì tikoweya hwatò mamɛ ya arzɛ ema e ohwahwi.

1 Kɔ̀rintìyà 14:27 ပူးပေါင်းရင်းမြစ်များ

1 Kɔ̀rintìyà 12:10

Rzi Èlìŋgɛ̀ e ŋgbaà hvɛ mòtò mɔ̀kɔ, e ŋginyà ya lì gbeyà hweyà hwe mànyakà, rzi a ŋgbaà ɔhvɛ làhweyà la lì ohwa ŋmɛ̀ndì mo Lohwà. O ma ohvɛhvɛ mòtò, èlìŋgɛ̀ yà wòtani e ŋgba e ŋgilì ya lì rzɔ̀ŋgìtɛ̀nɛ̀ màahweyà ema mà uwɛ̀lɛ̀lɛ̀yi o èlìŋgɛ̀ yà wòtani, na e lɔ̀wu ema lì rza uwɛ̀lɛ̀lɛ̀yi o èlìŋgɛ̀ yà wòtani. Èŋge èlìŋgɛ̀ mɛnɛ e ŋgba mòtò mɔ̀kɔ lìhwiyè la lì ohwa ihvɛhvɛ mbɔrzi, e ŋgba ohvɛhvɛ mòtò lìhwiyè o lì tikowa mamɛ hwaŋga hwatò hwa ohwa.

1 Kɔ̀rintìyà 14:13

Ò èŋgànɛ̀lɛ̀, tɔ̀ ima mòtò ema a ohwa o ihvɛhvɛ mbɔrzi, a kanɛ̀ hvɛ nanù ema, Lohwɛ̀ a mo ŋgbe e ŋgilì yà lì tikòweyà mamɛ ya arzɛ ema a hwèlì a ohwa.

1 Kɔ̀rintìyà 14:2

Èhwanja o òhvi tɛ è ŋgìlì yà lì ohwà o ihvɛhvɛ mbɔrzi, ò wa, ò ohwìrzɛ̀nɛ̀ ndi Lohwɛ̀, rzeketɛ hwatò. Ò jɔ̀kɛ̀ tɔ̀ mòtò tɔ̀ mɔ̀kɔ a rzà tanɛ̀yi lì o rzɔŋgìtɛ̀nɛ̀. Ò wòteyà ndi lì ohwà o è ŋginyà yà èlìŋgɛ̀ yà wòtani. Iŋgi johwì ja arzɛ i hwɛ ndi johwi ja wùndɛ̀ ema hwatò hwa rza rzɔ̀ŋgìtɛ̀nɛ̀.

1 Kɔ̀rintìyà 14:26

Ìi wònyàmowe kòkò, enè eyà ema na ohwa nanù, e hwèlì ndi ema, è arzàŋgànɛ̀yi tɛ o Ndawò yà Lohwà, mòtò mɔ̀kɔ à ohva mɔ̀rzɔ̀kɔ̀ o lì èmba, ohvɛhvɛ mòtò a ohva eyà ya lì okòlɛ̀, ohvɛhvɛ mòtò a ohvà eyà ya lì ohwà ema Lohwɛ̀ a mo wuluhwèlì, ohvɛhvɛ mòtò a ohva eyà yà lì ohwà ò ihvɛhvɛ mbɔrzi. Ohvɛhvɛ mòtò hvɛ a tikòwà mamɛ ema e ohwàhwì o ihvɛhvɛ mbɔrzi. Ndi tɔ̀ mamɛ ema e gbèyɛ̀nɛ̀, e hwɛnì ndi lì è òŋgòwànà ŋmèmba mo arzɛ.

1 Kɔ̀rintìyà 14:28

Ò rza enje hvɛ tɛ tɔ̀ mòtò tɔ̀ mɔ̀kɔ aŋga ema a tànɛyi lì tikowa mamɛ ema e ohwahwi o ehvɛhvɛ̀ mbɔrzi, e mòtò ema a ohwa o ehvɛhvɛ mbɔrzi, a hwɛnì rzɔ ndi lì lìya ŋmɛ̀ɛ, rzi a ohwirzɛ̀nɛ̀ ndi mɔ̀ ŋmìti na Lohwɛ̀.

1 Kɔ̀rintìyà 14:5

Nà lìŋgàni ema inyɔ hwa arzɛ e ohwa o ihvɛhvɛ mbɔrzi. Ndi na lìŋgana rzayì-rzayì ema inyɔ hwa arzɛ e ohwe ŋmɛ̀ndì mo ama Lohwɛ̀. È mòtò ema a ohwa ŋmɛ̀ndì mo ama Lohwà a akayi e mɔ̀ ema a ohwa ihvɛhvɛ mbɔrzi. Èhwanja natɛ̀ɛ nà ohvɛhvɛ mòtò a ohwà o lì tikowa mamɛ ya arzɛ ema a ohwa aŋga nanù oma o ma ètìrzɛ̀ wolìya wo è ndawò yà mitèlì yà arzɛ.