1 Kɔ̀rintìyà 14:15 - Mokpwe: Bakwery (New Testament)

¹⁵ Ò èŋgànɛ̀lɛ̀ rzɔ mamɛ nà hwɛnì lì gbeyà e? Nà o kanɛ̀ na èlìŋgɛ̀ ya ami, rzi na o kanɛ̀ hvɛ o ŋmèma mo ami. Nà o emba jèembò na èlìŋgɛ̀ ya ami, rzi nà o embà hvɛ jèembò na ŋmèma mo ami.

1 Kɔ̀rintìyà 14:15 ပူးပေါင်းရင်းမြစ်များ

Hwègbèèlì 21:22

Ndèŋgàna wɔ̀ hwa àŋgàmɛ̀nɛyi lì hwiya nanù ema ò ma jà. Nɛ irzɔ i gbeyà nàŋgɛ e?

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

Ròmànì 3:5

Ndi e hwèlì tɛ nanù ema hwegbèèlì hwe arzu hwe wòhwe hwe uŋmɛ̀lɛ̀ gbamù nanù ema Lohwɛ̀ a rza timbana tɔ̀ mòtò mburza, mamɛ irzɔ i tànɛyi ò lì òhwa e? Irzɔ i tànɛyi rzɔ ò lì òhwa nanù ema Lohwɛ̀ a gbèyi lùurzè, ò lì jò kɔ̀kìrzɛ̀ ò wòhwe ema i ma gbeyɛ e? (Nà gbeyàna ndi màlùtèyà mà è mòtò wa hwènàmà ò lì òhwa nanù.)

Ròmànì 8:31

Jò ɔ̀ŋgɔ tɛ hwenè hweyà hwe arzɛ ò tenì, mamɛ i tànɛyi ò lì òhwa e? È hwèlì tɛ ema Lohwɛ̀ a hwèlì na irzɔ, njɛ̀nɛ a tànɛyi lì jò teŋgɛ̀nɛ̀ e?

1 Kɔ̀rintìyà 10:19

È ɔ̀ŋgɛ̀lɛ̀ rzɔ nanù ema nà ohwa ndi ema hwèrzùmbù tɔ̀ mòlelì mò hwèrzùmbù mò hwèlì ndi eyà e?

1 Kɔ̀rintìyà 14:14

È hwèlì tɛ ema na kanɛ̀ nà ihvɛhvɛ mbɔrzi, èlìŋgɛ̀ ya ami ndi e hwèlì e kanɛ̀, ndi na rza rzɔ̀ŋgìtɛ̀nɛ̀ mamɛ na ohwa.

1 Kɔ̀rintìyà 14:19

Ndi o tenì ya hwèlìyelì hwe Ndawò yà Lohwà, nà lɔ̀wu lì ohwa hweyà hweta ema hwe òŋgòwànà hwàhvɛ̀hvɛ̀ hwatò ò lì rzɔ̀ŋgìtɛ̀nɛ̀, lì aka lì ohwa, lìyòmè la hwekolì hwe hweyà o mbɔrzi ema tɔ̀ mòtò a rzà rzɔ̀ŋgìtɛ̀nɛ̀.

1 Kɔ̀rintìyà 14:26

Ìi wònyàmowe kòkò, enè eyà ema na ohwa nanù, e hwèlì ndi ema, è arzàŋgànɛ̀yi tɛ o Ndawò yà Lohwà, mòtò mɔ̀kɔ à ohva mɔ̀rzɔ̀kɔ̀ o lì èmba, ohvɛhvɛ mòtò a ohva eyà ya lì okòlɛ̀, ohvɛhvɛ mòtò a ohvà eyà ya lì ohwà ema Lohwɛ̀ a mo wuluhwèlì, ohvɛhvɛ mòtò a ohva eyà yà lì ohwà ò ihvɛhvɛ mbɔrzi. Ohvɛhvɛ mòtò hvɛ a tikòwà mamɛ ema e ohwàhwì o ihvɛhvɛ mbɔrzi. Ndi tɔ̀ mamɛ ema e gbèyɛ̀nɛ̀, e hwɛnì ndi lì è òŋgòwànà ŋmèmba mo arzɛ.

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

Hvìlipìyà 1:18

Ndi ene ŋgànà e rza enje tɔ eyà. O hwene hwègbèèlì hwe arzɛ, ŋmɛ̀ndì mò gbamù mo ama Krirztò mɔ̀ ndi hwa hwèlì hwa ohwa, tɔ e hwɛ ndi nanù ema hwa gbeyànì màlùtèyà ma gbamù tɔ̀ ma wòhwe. O eŋgànɛ̀lɛ̀ rzɔ, o nyòla ya ene eyà, imba na o oka mɔ̀nyɛ̀ŋgì.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

Jèmìrzì 5:13

Tɔ̀ ima mɔ̀ wa anyu ema a hwèlì o mòtàkà inyɛ a kànɛ. Tɔ̀ ima mɔ̀ wa anyu ema a ohvi mɔ̀nyɛ̀ŋgì inyɛ a embeya Lohwɛ̀ mɛ̀rzɔ̀kɔ̀ me jeka.

Judɛ 1:20

Ndi imbùnda jà ami kòkò, inyɛ lìlòkɛ̀ là wòtani ema è hwɛni lì hwɛ ndi ò lì ɔŋgɔ ò tenì yà anyu lì ɛndɛ ò worzo. È kànɛ nanù ema è ŋginyà yà Èlìŋgɛ̀ yà Wòtani yè è timbe.