1 Kɔ̀rintìyà 10:29 - Mokpwe: Bakwery (New Testament)

²⁹ Nà rza ohwa ndi o ŋmèma mo aŋgɔ, ndi mèèmà mo ɔ̀nɛyi mòtò. Mamɛ e gbeyà ema mèèmà mo òhvɛhvɛ mòtò ema mo mò tàkirzɛ, mo no gbeyà ema na rza gbeyàna è wònjà ya ami.

1 Kɔ̀rintìyà 10:29 ပူးပေါင်းရင်းမြစ်များ

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

1 Kɔ̀rintìyà 10:32

È lìya nyayi ya ŋgàna ema e rza gbeyà mòhvùŋgu nà wònyà Yudà, hwaŋga ema hwa rza enje wònyà Yudà tɔ̀ na miitelì me ama Lohwɛ̀.

1 Kɔ̀rintìyà 9:1

Nà rza ohvì wònjà nàa tɔ̀ ima mòtò e? Nà rza enjè ndì àpɔ̀rzìtòlò e? Ìmba nà rzì ɛnɛ Yerzù Rzàŋgo wa arzu na e ma amì mirzɔ̀ e? Rzeke inyɔ ndi e hwèlì e mbako ya èwòlò ema na gbèelì Rzàŋgo e?

1 Kɔ̀rintìyà 9:19

Nà hwèlì ndi imba mbiti, na rza enje o rze ya tɔ̀ mòtò tɔ̀ mɔ̀kɔ. Nà ma ayèŋgowɛ̀ ndi mokome mo hwatò hwa arzɛ, o lì jànà rzayì-rzayì ja hwatò òma Krirztò.

2 Kɔ̀rintìyà 8:21

Irzɔ i keka o lì gbeyà mamɛ e ma e lɔ̀wu, o worzò wo ama e Rzàŋgo, na o marzò ma hwatò hwa hwènàmà.

1 Tɛ̀rzàlonìyà 5:22

È rzi hwɛnɛ eyà o lì gbèeyàna hweyà ema hwe rza hvomɛ̀nɛ̀ ema wɔ̀ hwa ohwa.