Ta Fite 3:19 - I Falami Kasafnè (New Testament)

¹⁹ Nngakgu na fanngewegu i kdee to kanbonggu nawa. Taman, too gamu fduf, na nsalyu dad salàyu.

Ta Fite 3:19 ပူးပေါင်းရင်းမြစ်များ

Matyu 25:7

Na mukat i kdee dad sawang libun ani, na fatlagadla dad salòla.

Dyan 2:17

Na di kaklinge i dad to galan tdò ayé, ta gafaldamla i sulat di Tnalù Dwata, manan, “I kalbong nawagu i Gumnèam dminè salngad lifoh di lam nawagu.”

Roma 12:11

Falgad gamu, na nang gamu falweh. Finityu nawayu mimò fye di Amuto.

1 Korintu 11:32

Bay fanngewe i Amuto gito di kngakan gito du tanluhan ato, du fye là gagin ato di kaflayaman i dad to là ftoo.

2 Korintu 6:9

Balù ku là tatel gami, bay nun dademe, dnilèla gami. Balù ku fandam i dademe dad to ta kfatimi, bay teenyu sana klawilmi. Na balù ku too gami falnayam, là sa mati gami.

2 Korintu 7:11

Tooyu fandam i ta nimò Dwata ulê i klidùyu ayé. Ta too minit nawayu mimen, na bong ayèyu fite i katluhyu. Ta mlidù gamu di sasè nimòyu, na ta likò gamu di Dwata. Ta too gamu mayè samsite do, na nun klayù nawayu, na gatlagad gamu falmayam i là tluh nimò. Taman, i kdee nimòyu ayé fite ta landè gumaslenyu.

Galasya 4:18

Too ti fye i mafè syan ku fye i duenan. Fanlesyu i nimòyu ayé balù ku déé agu ku demen là.

Titus 2:14

Ta blén i kton di fati du fye falwàan ato di kdee sasè, na lnaneban ato, na nimòan ato kenen nfun, na banlén ato kinit nawa mimò fye.

Dyém 1:12

Nun bong kafye i to gamtayud di dad tilew mkel di kenen du ku ta gfisanan, nun gdawatan kyangen, dunan nawa landè sen ta fakang Dwata di kdee dad to kambong dun nawa.

Ta Fite 2:5

Taman, fandamyu i muna kagkahyu, na nsalyu i gukulangyu ani, na nulêyu i fye ldamyu di munan. Ku là msal gamu, salu agu déé di gamu, na nwègu i gufkah salòyu.