Ta Fite 21:4 - I Falami Kasafnè (New Testament)

⁴ Na nifun i kdee lwak di matala. Na ta landè mati, na ta landè mlidù, na ta landè mngel, na ta landè katduk, du i labi, ta mlius.”

Ta Fite 21:4 ပူးပေါင်းရင်းမြစ်များ

Matyu 24:35

Matlas i langit na tanà, bay i Tnalùgu là matlasan kel di landè sen.

1 Korintu 15:26

Yé too sangal fnisanan i fati.

1 Korintu 7:31

Na nè to fbelan i knunan dini di tah tanà, fye ku nangan fabtas di fandaman du ta mdadong gusen i banwe ani.

2 Korintu 5:17

Balù ku simto ta masasatu di ku Krayst, ta falami to kenen, du ta mlius i labi, na ta tamlas i falami.

2 Korintu 6:17

Yé duenam man, man i Amuto, “Nang gamu sasatu di dad to là ftoo, bay fahal gamu di dale. Nang gamu magin di dad magsik nimòla, na yé klogu dmawat gamu.

Hibru 12:27

I tnalùan ayé, yé lê faglabat i kdee ta nimòan, ningokan na nwèan du fye i kdee là mgingok, yé lo tagak.

2 Piter 3:10

I Du i Amu kel, salngad di kakel i to tmaku. Di Du ayé kadang, tadè mlanas i tah kmawang gagin i bong uni, na sakuf i kalbong kdee mnè ditù. Na kabal i tanà na i kdee mnè déé, mti knaful.

1 Dyan 2:17

I banwe ani na i kdee knayè i dad to di laman, nun gusenan. Bay nè i to mimò i knayè Dwata, nun nawan landè sen.

Ta Fite 20:13

Na balù i dad to ta mati di mahin, ku demen di tanà, mti lamwà dad layefla mdà di Hadis. Na kat satu to, nukum kenen mdà di kdee nimòan.

Ta Fite 20:14

Na kafnge ayé, i fati na i Hadis bat di lanaw lifoh. (I lifoh sansman ani, dunan i galwe fati.)

Ta Fite 21:1

Kafnge ayé, lê nun teen-gu falami langit na falami tanà, du ta mlanas i muna langit na i muna tanà, na ta landè mahin.

Ta Fite 22:3

Na ta là teen déé i kdee ulê i salà. Bay di syudad ayé, déé i trunu Dwata na i Ngà Bilibili, na i dad snalig Dwata, mangamfù ale di kenen.

Ta Fite 7:17

du i Ngà Bilibili déé di trunu, yé i mifat dale, na nalakan ale salu di dad sfut éél mlé nawa. Na nifu Dwata dad lwak maloh di matala.”