Ta Fite 21:18 - I Falami Kasafnè (New Testament)

¹⁸ Slame batu malung dnagit dyaspér i labat i syudad ayé. Na di kimòla i syudad, yé gnamitla too blawen, salngad ktiun di batu malung dnagit kristal.

Ta Fite 21:18 ပူးပေါင်းရင်းမြစ်များ

Ta Fite 21:11

Too ti mneng i syudad ayé du déé kneng i kaltulus Dwata. I nengan salngad neng i batu malung dnagit dyaspér, na too mtiu salngad di batu malung dnagit kristal.

Ta Fite 21:21

Na di dad sfalò lwe takab i labat, yé gnamitla pérlas. Kat takab, satu bong pérlas. Na i dalan di syudad ayé, slame blawen too mtiu, na too minal salngad i batu malung kristal.

Ta Fite 21:19

Yé kas i dad malbang batu gugtadag i labat di syudad dunan i dad sahal batu malung. I tnanin batu, dunan dyaspér, na i galwen safiro, na i gatlun agata, na i gfatan ésméralda.

Ta Fite 4:6

Na di gusmalu i trunu, nun sawe mahin too mtiu salngad kristal. Na glibut di trunu ayé, nun fat maltulus tadag déé, na fnò mata i kfela na i kagolla.