Ta Fite 2:17 - I Falami Kasafnè (New Testament)

¹⁷ Ku nè i to nun klinge, yé fye, falningen i man Mtiu Tulus di dad simbahan. Na nè i to gamfisan kel di gusenan, banlégu kenen knaan busek Dwata. Na lêgu kenen banlé batu bukay, na nun falami dagit gsulat déé, na lo yé gmadè dun i to gamdawat i batu ayé.’ ”

Ta Fite 2:17 ပူးပေါင်းရင်းမြစ်များ

Matyu 13:11

Na tmimel Dyisas, manan, “Faglabatgu di gamu i dad gbuni gablà di Kagot Dwata, bay là faglabatgu dun di dademe.

Mark 7:16

Ku simto i nun klinge, fye ku too flinge.”

Dyan 4:32

Bay man Dyisas di dale, “Nun sa do knaan i làyu gadè dun.”

1 Korintu 2:14

I to là mnè di kenen i Tulus Dwata, là gaganan dmawat i tdò Tulus Dwata. Na là glabatan dun, du di fandaman, landè btasan, du lo i Tulus Dwata fbateng i btasan.

Kolosas 3:3

Du ta sawe mati gamu, na i glut tlawilyu ta gbusek ditù di saféd Dwata magin ku Krayst.

Ta Fite 14:3

Na tadag ale di kanfe i trunu Dwata, na i dad fat lmanaf, na i dad lwe falò fat tua. Na lmingag ale satu falami lingag. Na lo yé galmabat i lingagla i 144,000 to ta nsò Dwata mdà di kagsalàla dini di tah tanà.

Ta Fite 19:16

Nun dagit gsulat di saulan na di fuadan, manan, “Harì di kdee harì, na Amu di kdee amu.”

Ta Fite 2:11

Ku nè i to nun klinge, yé fye, falningen i man Mtiu Tulus di dad simbahan. Na nè i to gamfisan kel di gusenan, là gnagula i galwe fati, dunan kaflayam landè sen.’ ”

Ta Fite 2:7

Ku nè i to nun klinge, yé fye, falningen i man Mtiu Tulus di dad simbahan. Na nè i to gamfisan kel di gusenan, banlégu ktoo kmaan benge kayu mlé nawa landè sen di Paraiso, i banwe Dwata.’ ”

Ta Fite 3:22

Nè i to nun klinge, yé fye, falningen i man Mtiu Tulus di dad simbahan.’ ”

Ta Fite 3:6

Nè i to nun klinge, yé fye, falningen man i Mtiu Tulus di dad simbahan.’ ”