Roma 7:8 - I Falami Kasafnè (New Testament)

⁸ Fagu di uldin, ta tlana i salà mukat i sahal kibal di ktogu. Yé mlé lawil di salà i uldin.

Roma 7:8 ပူးပေါင်းရင်းမြစ်များ

Mark 7:22

i klafà yaan, i klom, i ayè mimò sasè di dademe to, i kafgaw, i klandè kyà, i kafè nawa, i ktalù sasè gablà di dademe to, i kafdatahan i kton, na i klandè ldam.

Dyan 15:22

Landè moon salàla ku là ta salu agu dini na talù di dale. Kabay, ta là gmanla dun ku landè salàla.

Dyan 15:24

Landè moon salàla ku là ta nimògu dad tnikeng i là fa lmen mgimò. Bay ani, ta teenla sa i dad nimògu, na knèan, do na Mà, nutehla gami nawa.

Roma 3:20

Du landè to mgimò tluh di kanfe Dwata fagu di kimenan i uldin. Lo yé nimò i uldin, dunan fdilèan di dad to i ta kagsalàla.

Roma 4:15

Kel i kalbut Dwata mdà di uldin, du landè lnafà moon ku landè uldin.

Roma 5:20

Kanto nun uldin, ta baling midul i kaglafàla, bay ku nè gubong i salà, baling too bong fa i kafye Dwata.

Roma 7:11

Du i salà, lnimbungan agu fagu di uldin, na lê fagu di uldin, fnatin agu.

Roma 7:13

Yé kè knayèan man ayé, yé mebe do di fati i fye? Là. Bay gnamit salà i fye mebe fati di do du fye too gadè i glut adat i salà. Taman, fagu di dad dek i uldin, ta too teen ksasè i salà.

Roma 7:17

Taman, ise ku do i mimò ani, bay i salà mnè di do.

Roma 7:9

Do di muna, di lamgu là gmadè i uldin, di fandamgu, mto agu. Bay kanto kel i uldin, ta msut i salà, na ta gadègu mati agu.

1 Korintu 15:56

Yé gumdà alas i fati di salà, na silang dilè i salà, kanto kel i uldin.