Roma 7:18 - I Falami Kasafnè (New Testament)

¹⁸ Gadègu landè fye dini di do, dunan di labi ktogu, du balù nun ayègu mimò fye, là gagan-gu mimò dun.

Roma 7:18 ပူးပေါင်းရင်းမြစ်များ

Matyu 15:19

Du mdà di nawan, nun dad sasè fandam, na i kbanò, i klafà yaan, i ksaféd di to ise yaanan, i ktaku, i ktulen kéng, na i ktalù sasè gablà di dademe to.

I Fye Tulen Gablà ku Dyisas Krayst, i Sulat Luk 11:13

Na balù ku sasè gamu knèan fulung gamu mlé fye di dad ngàyu. Na mdà ayé, midul déé fa kfulung i Màyu di langit kablén i Mtiu Tulus di dad to mni di kenen.”

Dyan 3:6

Du nè sut di to, to kenen, na nè sut di Tulus i Dwata, lmalò di Tulus Dwata.

Roma 13:14

Bay fnèyu i Amuto Dyisas Krayst di ktoyu, na nangyu banlé dalan i sasè, tàyu gimen knayè i ungadyu.

Roma 7:15

Là glabatgu i ktogu, du là nimògu i knayègu nimò. Baling yé nimògu i kdee là knayègu.

Roma 7:19

Là sa gimògu i fye kayègu nimò. Yé ta balinggu gimò i sasè là knayègu nimò.

Roma 7:25

Salamat di Dwata du kenen i falwà do fagu di Amuto Dyisas Krayst. Taman, ani kagkahgu: Dini di fandamgu, nimen-gu i Dwata, bay i lawehgu, nimenan i salà.

Roma 7:5

Du di lamto lmalò i nimò knalam i ungadto, mdà di kgadèto i uldin, baling midul i ayèto mimò sasè. Na yé gugafatto di fati.

Galasya 5:17

Du too sahal i knayè lawehyu na i knayè Mtiu Tulus. I knayè Mtiu Tulus, knangan i knayè laweh. Na i knayè laweh, knangan i knayè Mtiu Tulus. Taman masfati i lwe ani, na yé gamsang di kimòyu fye.

Galasya 5:24

Na i kdee dad to nfun Krayst Dyisas, ta fnatak di krus i labi ktola gagin i dad sasè niballa.

Filipus 2:13

Du Dwata i mnè déé di nawayu, na kenen i mlé gamu ayè na gnagan mimò i knayèan.

Filipus 3:12

Ise ku yé man-gu dini ta sikof agu ku demen ta too agu tluh, bay too agu fakgis du fye gfun-gu i taden tagà Dwata do fagu di kfun Krayst do.

Titus 3:3

Du balù gito di munan, là gmadè ato, na là mimen ato, na gsalà i nimòto. Magfasak ato di kdee dad nibalto, na di dad knayèto. Na lo yé gadèto nimò i sasè, na ksafè nawa, na kasnang nawa.

1 Piter 4:2

Taman, mdà ani, yé tooyu kah di nawayu mimen knayè Dwata, ise ku sasè knayè i ktoyu.