Roma 16:16 - I Falami Kasafnè (New Testament)

¹⁶ Fiteyu di kdee dademeyu ta ftoo i mtiu kakdoyu dale. I kdee dad simbahan nfun Krayst febe kumusta di gamu.

Roma 16:16 ပူးပေါင်းရင်းမြစ်များ

Dad Nimò 20:28

Bay neyeyu i ktoyu, na lêyu neye i kdee dad to ta salig i Mtiu Tulus di gamu. Tooyu nifat i dad to ta tanfing Dwata du ta bnayadan ale fagu di litè i Ngàan.

Dad Nimò 20:37

Na lkafla kenen, na nalakla, na sdulê ale mngel.

1 Korintu 16:20

Na i kdee dad flanekto ftoo di ku Dyisas Krayst dini di Ifisu, manla, “Kumusta” gamu kun. Tooyu fite i kasakdoyu di kasaflanekyu di ku Dyisas Krayst.

2 Korintu 13:12

Tooyu fite i kasakdoyu di kasaflanekyu di ku Dyisas Krayst. I kdee dad to ta nfun Dwata dini, manla, “Kumusta” gamu kun.

1 Tésalonika 5:26

Fiteyu di kdee dademeyu ta ftoo i mtiu kakdoyu dale.

1 Piter 5:14

Tooyu fite i kasakdoyu du ta saflanek gamu mdà di ku Dyisas Krayst. Mulà moon i ktanak nawa mnè di gamu dad to nfun Krayst.