Roma 15:32 - I Falami Kasafnè (New Testament)

³² Taman, ku mayè Dwata, lehew agu salu déé di gamu, na ftud agu di safédyu.

Roma 15:32 ပူးပေါင်းရင်းမြစ်များ

Dad Nimò 18:21

Bay di kdàan, makang kenen di dale, manan, “Ku mayè Dwata, lê agu samfulê dini.” Na kafnge ayé, ta mdà kenen di Ifisu smakay aweng.

Dad Nimò 27:1

Kanto yé gusasatu nawala, febela gami ditù di Itali, ta bléla ale Pol na i dademe to blanggù di ku Dyulyu, i kapitan i dad sundalu Roma glam di lumbuk dnagit Dad Sundalu Ulu.

Roma 15:29

Fantoogu ku ta salu agu déé di gamu, nun dad kafye nimò Krayst di gito.

1 Korintu 16:18

du tan-galla i nawagu salngad i katgalla i nawayu. Tooyu nafè i dad to gambet ayé.

1 Korintu 4:19

Bay di là mlon mdà ani, ku mayè i Amu, salu agu déé di gamu du neyegu ku nun gaganla nimò di kdee dad dagla.

2 Korintu 7:13

Taman, too minit nawami. Na ise ku lo minit nawami, bay lê gami lehew du mdà di kaflehewyu ku Titu.

2 Timoti 1:16

Bay mulà moon ku kando Dwata i familya Onisiforu du dee dulêan tamgal nawagu, na là myàan di kablanggùgu.

Filimun 1:20

Taman, flanek, toom beg nimò do i fnigu ayé du mdà di Amuta, du fye do i flanekam ku Krayst, maglala i nawagu.

Filimun 1:7

Na ani, flanek, too agu lehew na matgal i nawagu du mdà di kakdom ta tan-galam nawa i dad to Dwata.

Dyém 4:15

Bay ani i fakayyu man, “Ku mayè Dwata, mto gami fa, na ani nimòmi.”