Roma 10:4 - I Falami Kasafnè (New Testament)

⁴ Du Krayst ta dmohò i uldin du fye i kdee ftoo, mgimò tluh di kanfe Dwata.

Roma 10:4 ပူးပေါင်းရင်းမြစ်များ

Matyu 3:15

Na tmimel Dyisas, manan, “Faloham i knayègu du fye gimenta i kdee knayè Dwata.” Na yé duenam man, ta mayè Dyan, na bnunyagan Dyisas.

Dyan 1:17

Du blé Dwata i dad uldinan fagu di ku Mosis, bay kel i kafye na i kaglut fagu di ku Dyisas Krayst.

Roma 3:22

Nimò Dwata tluh i dad to fagu di kaftoola di ku Dyisas Krayst. Nimòan ani di kdee ftoo di ku Krayst du landè gusahal i kdee dad to,

1 Korintu 1:30

Bay lo mdà di Dwata, ta nun ksasatuto di ku Krayst Dyisas, na ta fiten di gito i too glut kfulung mdà di ku Krayst. Na fagu di ksasatuto di ku Krayst Dyisas, ta tluh na mtiu ato di kite Dwata, na ta falwàan ato.

Galasya 3:24

Taman, i uldin tamdò gami kel di kakel Krayst, na mdà déé, tluh gami di Dwata fagu di kaftoomi di ku Krayst.

Galasya 4:5

du fye falwàan i dad to mgikat di kimen i uldin du fye mgimò ato dad ngà i Dwata.

Kolosas 2:10

Na ta sikof gamu nan du mdà di ta ksasatuyu ku Krayst, na kenen i too mdatah di kdee dad ulu na di kdee nun glal.

Kolosas 2:17

Du i fantoola ayé lo alung i fan kel, bay yé too dunan Krayst.

Hibru 10:14

Taman, fagu di lo satu dsù, snikofan kel di landè sen i dad to flaneb i salàla.