Roma 1:12 - I Falami Kasafnè (New Testament)

¹² Ani kayègu man, satgal ato di kaftoo.

Roma 1:12 ပူးပေါင်းရင်းမြစ်များ

Dad Nimò 11:23

Na kanto kel ditù, ta teenan i kafye Dwata di dad to, na too lehew kenen. Tan-galan i nawala du fye too ale fduf di klalòla ku Dyisas mdà di nawala.

Roma 1:11

Du too agu mayè samsite gamu du nun blégu gamu mdà di Mtiu Tulus i gamfbagal gamu.

Roma 1:13

Dad flanekgu, nangyu glifet ta dee dulêgu maleh lmauy gamu, bay nun gamsang do. Kayègu ku lê nun di gamu nebegu di kaftoo salngad di nimògu di dademe ise Dyu.

Roma 15:24

taman, yé kayègu nimò ani, du fye site ato là mlo di kagugu salu ditù di Éspanya du fye sgalak ato kel di kabsol i nawagu, na lêgu kayè ku begyu agu tnabeng di kaflesgu gatù.

Roma 15:32

Taman, ku mayè Dwata, lehew agu salu déé di gamu, na ftud agu di safédyu.

2 Korintu 7:13

Taman, too minit nawami. Na ise ku lo minit nawami, bay lê gami lehew du mdà di kaflehewyu ku Titu.

Ifisu 4:5

Na lo satu Amuto, na lo satu fantooto, na lo satu duento fbunyag.

2 Timoti 1:4

Gafaldamgu i kaloh lwakam di ktagakta ge, na yé toogu kayè ku teenta ge, du fye too agu lehew.

Titus 1:4

Na smulat agu di ge, Titus, i ngàgu di kaftoo di ku Dyisas Krayst. Mulà moon i Màta Dwata na Krayst Dyisas i ta Falwà gite, mlé ge kafye na ktanak nawa.

2 Piter 1:1

Do, Simon Piter, gumdà i sulat ani, i satu snalig na dek Dyisas Krayst. Na yé gugtadèan di dad to ta gamdawat i mabtas kaftoo salngad di gami, du mdà di katluh i Dwata na Dyisas Krayst, i Falwà.

2 Dyan 1:4

Too agu lehew du ta gadègu na nun di dad ngàam too fduf lmalò i kaglutan salngad di ta fimò Dwata Mà di gito.

Dyud 1:3

Dad mabtas flanekgu, too agu mayè moon smulat di gamu gablà di kagalwà ta gusasatuto, bay mfeges agu smulat di gamu du fye tan-galgu nawayu di ksenyu i kaftoo ta blé Dwata di dad ton.