Matyu 8:18 - I Falami Kasafnè (New Testament)

¹⁸ Na di satu du, kanto teen Dyisas i kdee dad to stifun di safédan, yé manan di dad to galan tdò, “Mdà ato mifal di lanaw.”

Matyu 8:18 ပူးပေါင်းရင်းမြစ်များ

Matyu 14:22

Na kafnge ayé, dek Dyisas i dad to galan tdò muna maweng mifal di bong lanaw. Na ftagak Dyisas du fdàan i dad to.

Matyu 8:1

Na kanto flasok Dyisas di bulul gutamdòan, na too dee dad to magin di kenen.

Mark 4:35

Kanto sdaf i du, talù Dyisas di dad to galan tdò, manan, “Mdà ato mifal i lanaw.”

Mark 5:21

Kanto lê mifal Dyisas di lanaw, nun dee dad to stifun déé di safédan. Déé kenen fa di kilil i lanaw,

Mark 6:45

Na kafnge ayé, gasil dek Dyisas i dad to galan tdò muna maweng mifal di bong lanaw salu di banwe Bétsayda. Na ftagak Dyisas du fdàan i dad to.

Mark 8:13

Na kafnge ayé, lê tnagak Dyisas ale, na myak di aweng du mifal di bong lanaw.

I Fye Tulen Gablà ku Dyisas Krayst, i Sulat Luk 8:22

Di satu du, man Dyisas di dad to galan tdò, “Mdà ato mifal i lanaw.” Na yé duenam man, mdà ale smakay aweng.

Dyan 6:15

Na gadè Dyisas na fan ale salu di kenen du fye nwèla na gnagala nimò harìla. Taman, ta mdà kenen salu di bulul lon satu.