Matyu 3:14 - I Falami Kasafnè (New Testament)

¹⁴ Bay fan là mayè Dyan munyag dun, na manan, “Gablà ge i munyag do. Kan ku baling ge fbunyag di do?”

Matyu 3:14 ပူးပေါင်းရင်းမြစ်များ

Matyu 3:13

Na lê salu Dyisas di Éél Dyordan mdà di Galili du fye fbunyag ku Dyan.

Matyu 3:15

Na tmimel Dyisas, manan, “Faloham i knayègu du fye gimenta i kdee knayè Dwata.” Na yé duenam man, ta mayè Dyan, na bnunyagan Dyisas.

I Fye Tulen Gablà ku Dyisas Krayst, i Sulat Luk 1:43

Sawe là gtenan ku yé lmauy do yê i Amugu.

Dyan 1:16

Na mdà di bong kafyen, landè ti gusen i kafye galan blé di gito.

Roma 1:13

Dad flanekgu, nangyu glifet ta dee dulêgu maleh lmauy gamu, bay nun gamsang do. Kayègu ku lê nun di gamu nebegu di kaftoo salngad di nimògu di dademe ise Dyu.

Roma 3:23

ta gamsalà i kdee, na gawag ale di knayè Dwata.

Roma 3:25

Blé Dwata Krayst du fye fagu di kfalohan i litèan, magfasinsya dad salà i dad to ftoo di kenen. Yé duen Dwata mimò ani du fye fiten i katluhan. Di muna, tadèan bayà i salà du mdà di ktahà nawan.

Galasya 3:22

Bay yé man Tnalù Dwata, magfasak i kdee dad to di salà. Na mdà déé, lo yé gamdawat i blé ta fakang Dwata dunan i dad to ta ftoo ku Dyisas Krayst.

Galasya 4:6

Na yé gudmilè dun ta ngà gamu i Dwata, du ta dek Dwata i Tulus Ngàan mnè di nawayu, na mdà ayé ta fakayyu tlo i Dwata “Mà.”

Hibru 7:23

Ani lê satu gusahalla. Di munan, dee sahal dad to mnè di bleng, du ku ta mati i satu, lê man tamlas i satu.