Matyu 24:25 - I Falami Kasafnè (New Testament)

²⁵ Ani nangyu glifet, ta falagu tulen di gamu i kdee ani di laman là mkel.

Matyu 24:25 ပူးပေါင်းရင်းမြစ်များ

Matyu 10:16

Na lê talù Dyisas, manan, “Flinge gamu. Dekta gamu salu di dad labè to, du salngad gamu i dad bilibili gbol di dad tuyun. Taman, too gamu fafulung salngad i ulad, na fnunyu ldamyu salngad i abun.

Matyu 24:24

Du msut dee dad to flingu, na manla dale kun Mgalék Dwata, blaam ise. Na yé man dademe na dale kun i dademe dad tugad Dwata, blaam ise. Na mimò ale dad gamtikeng du fan-gawla i dad to, balù i dad to ta mgalék Dwata ku gagan, bay là.

Matyu 24:26

“Na yé duenam man, ku nun to man di gamu, ‘Ta ditù kenen di banwe landè to mnè ditù,’ nang gamu gatù. Na ku nun man di gamu, ‘Ta dini kenen di lam snifil,’ nangyu fantoo.

I Fye Tulen Gablà ku Dyisas Krayst, i Sulat Luk 21:13

Yé kadang i kdalanyu tmulen dale gablà di dad nimò Dwata di gamu.

Dyan 16:1

“Yé duen-gu man ani di gamu du fye là mlungay i ksaligyu di do.

2 Korintu 13:2

Nun kayègu man di gamu dad mtatek di salà di munan, na balù kel di kdeeyu. Ta man-gu ani di galwe dulêgu lmauy gamu, bay lêgu nulit di lamgu là samfulê. Na ku ta samfulê agu, sdulêta gamu fanngewe.