Matyu 22:14 - I Falami Kasafnè (New Testament)

¹⁴ Na fannge Dyisas i flédan, manan, “Dee dad to nlak, bay là dee i mgalék.”

Matyu 22:14 ပူးပေါင်းရင်းမြစ်များ

Matyu 20:16

Yé duenam man, nun dad to fulé baling dale guna, na nun dad to muna baling dale gfulé.”

Matyu 24:22

Bay fanfukal Dwata i bang ayé, du ku là fanfukalan dun, ta landè nan gdè to mlawil di tah tanà. Yé duenan famfukal dun du mdà di kalbong nawan di dad to ta mgalékan.

Matyu 24:24

Du msut dee dad to flingu, na manla dale kun Mgalék Dwata, blaam ise. Na yé man dademe na dale kun i dademe dad tugad Dwata, blaam ise. Na mimò ale dad gamtikeng du fan-gawla i dad to, balù i dad to ta mgalék Dwata ku gagan, bay là.

2 Piter 1:10

Taman, dad flanekgu, tooyu fkah di nawayu i katlo Dwata na i kalékan gamu, du ku yé nimòyu, là gfisan gamu.

Ta Fite 17:14

Sanfatila i Ngà Bilibili, bay gfisanan ale du kenen Amu di kdee dad amu, na Harì di kdee dad harì. Na yé magin di kenen i dad to ta tlon, na ta nalékan, dunan i dad to fduf lmalò di kenen.”