Matyu 2:2 - I Falami Kasafnè (New Testament)

² Na kanto ale kel di Dyérusalém, smalek ale, manla, “Nè gumnè i ngà sut, i mgimò Harì i dad Dyu? Ta teenmi i blatik di gusut i du ilè i ta ksutan. Na yé duenmi salu dini du mangamfù gami di kenen.”

Matyu 2:2 ပူးပေါင်းရင်းမြစ်များ

Matyu 2:3

Na kanto linge Harì Hérod ani, too msamuk i nawan, na balù i kdee dademe dad to di Dyérusalém.

Matyu 21:5

“Fgadèam di dad to di Dyérusalém, manam, ‘Neyeyu, du kel i Harìyu di gamu. Toon fdanà i kton, na yé snakayan ngà i dongki.’ ”

Matyu 27:11

Na kantola nebe Dyisas salu di gubirnador, tadag kenen di munan, na snalek Pilato kenen, manan, “Ge kè Harì i dad Dyu?” Na tmimel Dyisas, manan, “Ta manam sa.”

I Fye Tulen Gablà ku Dyisas Krayst, i Sulat Luk 19:38

Na manla, “Magdayen i Harì salu dini di dagit i Dwata. Ta nun ktanak nawa febe Dwata mdà di langit. Magdayen i Dwata di toon gumdatah.”

I Fye Tulen Gablà ku Dyisas Krayst, i Sulat Luk 2:11

Di mdu ani, ta sut di banwe Dabid i Falwà, dunan Krayst i Amuto.

I Fye Tulen Gablà ku Dyisas Krayst, i Sulat Luk 23:3

Mdà ayé, snalek Pilato kenen, manan, “Ge kè Harì i dad Dyu?” Na tmimel Dyisas, manan, “Ta manam sa.”

I Fye Tulen Gablà ku Dyisas Krayst, i Sulat Luk 23:38

Na nun sulatla gsen tah i ulun, manan, “Ani i Harì i dad Dyu.”

Dyan 1:49

Na man Natanyél di kenen, “Sér, ge sa Ngà i Dwata, na ge sa i Harì di Israél.”

Dyan 12:13

Na mwè ale dad taglang, klola smitong kenen, na mkit ale, manla, “Magdayen i Dwata. Banlé Dwata kafye i To salu dini di dagit i Amu, i Harì di Israél.”

Dyan 18:37

Na lê snalek Pilato kenen, manan, “Kan? Harì ge kè?” Na tmimel Dyisas, manan, “Ta manam sa. Harì agu. Yé duen-gu sut na salu dini di tah tanà du fgadègu gablà di kaglut. Nè to msen i kaglutan, flinge di do.”

Dyan 19:19

Na smulat Pilato i fgadèan, fkahan di krus Dyisas. Na ani man i sulatan, “Dyisas mdà di Nasarét, i Harì i dad Dyu.”

Dyan 20:28

Na man Tomas di kenen, “Amugu na Dwatagu.”

Dyan 5:23

du fye i kdee dad to, nafèla agu salngad kafèla di ku Mà. Ku nè to là mafè do, là lêan nafè Màgu, i mdek do.

Dyan 9:38

Na manan di ku Dyisas, “Fantoota ge, Amu,” na mangamfù kenen di kanfe Dyisas.

Hibru 1:6

Bay di ta fan kdek Dwata i lo sen Ngàan dini di tah tanà, lêan man, “Là fakay ku là mangamfù di kenen i kdee dad kasaligan Dwata.”

Ta Fite 22:16

Do Dyisas, ta dekgu i kasaligan-gu tmugad i kdee fgadègu di dad to ftoo di do. Do i bel Dabid, na do i blatik too mneng kel di flafus.”