Matyu 16:26 - I Falami Kasafnè (New Testament)

²⁶ Dét i fye untung i satu to ku gfunan i klamang banwe, bay là gfunan i nawa landè sen? Landè fakayan blé ku lulukan i nawa landè sen.

Matyu 16:26 ပူးပေါင်းရင်းမြစ်များ

Matyu 16:25

Du ku simto kmabas i nawan, baling lanah di kenen. Bay ku simto mati du mdà di kaginan di do, nun nawan landè sen.

Matyu 16:27

Do, i dnagit Ngà To, fan agu samfulê, na mnè i kdatah Màgu di do, na magin dad kasaliganan. Na di du ayé, bnalasgu kat satu to mdà di dad nimòan.

Matyu 5:29

Na kaflingenta dun, ku i matam gsen di kwanan mebe ge di kagsalà, yé baling fye ku tanwilam na batam. Tumù fa ku lanah i satu alel di laweham na nun nawam landè sen, bay too ti sasè ku sikof i laweham, na baling ditù gugtadèam di lanaw lifoh.

I Fye Tulen Gablà ku Dyisas Krayst, i Sulat Luk 12:20

Bay man Dwata di to ani, ‘Book ge. Kadang kifuh, mati ge. Na simto kè i mfun i dad knun ta santifunam? Ta ise ge.’

I Fye Tulen Gablà ku Dyisas Krayst, i Sulat Luk 16:25

Bay tmimel Abraham, manan, ‘E tò, fandamam kun i knèam di tah tanà. Too fye i kagkaham atù, bay Lasarus, too kenen maflayam. Bay kanto ani, too maglala Lasarus, bay ge, too ge maflayam.

I Fye Tulen Gablà ku Dyisas Krayst, i Sulat Luk 9:25

Dét i fye gwè i satu to ku gfunan i klamang banwe, bay là gfunan i nawa landè sen?