Matyu 13:36 - I Falami Kasafnè (New Testament)

³⁶ Na kafnge ayé, ta tnagakan i gudee dad to, na fusuk kenen di lam i gumnè. Na fdadong i dad to galan tdò, manla, “Tulenam gami ku dét i gumtatek i fléd gablà di dad bnas di tanà i to mlah bnê.”

Matyu 13:36 ပူးပေါင်းရင်းမြစ်များ

Matyu 13:1

Na di du atù, ta lamwà Dyisas di gumnè, na sudeng kenen di kilil i bong lanaw.

Matyu 13:11

Na tmimel Dyisas, manan, “Faglabatgu di gamu i dad gbuni gablà di Kagot Dwata, bay là faglabatgu dun di dademe.

Matyu 13:18

“Yé duenam man, tooyu falninge na fan-glabat i gumtatek i fléd gablà di to smabul bnê.

Matyu 13:25

Bay di lamla kudang di satu kifuh, nun satu to muteh dun nawa salu déé di tanà ayé, na snabulan benge bnas too sasè, na kafnge ayé klon mdà.

Matyu 14:22

Na kafnge ayé, dek Dyisas i dad to galan tdò muna maweng mifal di bong lanaw. Na ftagak Dyisas du fdàan i dad to.

Matyu 15:39

Na kafnge Dyisas fdà i dad to ayé, smakay kenen aweng salu di banwe Magadan.

Matyu 9:28

Na kanto fusuk ale Dyisas di satu gumnè, lê magin i lwe butè ayé. Na snalekan ale, manan, “Ftoo gamu kè na gaganta gamu fan-gulê?” Na tmimel ale, manla, “Hee, Amu.”

Mark 4:34

Landè tdòan di gudee dad to ku là fagun di fléd. Bay ku ta lo yé dademen i dad to galan tdò, ta nubadan di dale gumtatek i dad fléd.

Mark 6:45

Na kafnge ayé, gasil dek Dyisas i dad to galan tdò muna maweng mifal di bong lanaw salu di banwe Bétsayda. Na ftagak Dyisas du fdàan i dad to.

Mark 7:17

Tnagak Dyisas i dad to, na fusuk kenen di lam i gumnè. Magin dad to galan tdò, na smalek ale gablà di fléd ayé gine.

Mark 8:9

Yé kdee dad to kmaan nun dad fat libu. Na kafnge ayé, ta fdà Dyisas ale.