Matyu 12:14 - I Falami Kasafnè (New Testament)

¹⁴ Bay i dad Farisi, lamwà ale, na santulenla ku dét kibò kfatila ku Dyisas.

Matyu 12:14 ပူးပေါင်းရင်းမြစ်များ

Matyu 26:4

Na yé santulenla déé ku dét i fye kibòla kamfè ku Dyisas du fafatila di landè to gmadè dun.

Matyu 27:1

Kanto flafus, i kdee dad ganlal di kafaglut i dad Dyu, na dad tua gal mebe i dad Dyu, yé fnaleh nawala fafatila Dyisas.

Mark 14:1

Na ta lo lwe butang gdè kakel i Du Kaglius na i Fista Kakaan i Fan Landè Bulung Falnok Dun. Na mdà dad ganlal di kafaglut i dad Dyu na i dad to gal tamdò i dad uldin Dwata fagu di ku Mosis, mngabal ale kfagu kamfè ku Dyisas na fmati kenen di landè to gmadè dun.

Mark 3:6

Bay gasil lamwà dad Farisi, na stifun ale magin di dad to gsen di ku Harì Hérod, du santulenla ku dét i kibòla fmati ku Dyisas.

I Fye Tulen Gablà ku Dyisas Krayst, i Sulat Luk 22:2

Na mdà dad ganlal di kafaglut i dad Dyu, na i dad to gal tamdò i uldin Dwata fagu di ku Mosis, mngabal ale kfagu fmati ku Dyisas di landè to gmadè dun du likò ale di dad to.

I Fye Tulen Gablà ku Dyisas Krayst, i Sulat Luk 6:11

Bay too ti falbut i dad Farisi na i dad to gal tamdò i dad uldin Dwata fagu di ku Mosis, na santulenla ku dét fanla kibò ku Dyisas.

Dyan 10:31

Taman, lê mulut dad Dyu batu du dakla ku Dyisas.

Dyan 10:39

Na lêla kanfè moon Dyisas, bay lamwà kenen di blengla.

Dyan 11:53

Na mdà di du atù, mngabal kfagu i dad ganlal i dad Dyu fmati ku Dyisas.

Dyan 11:57

Na i dad ganlal di kafaglut i dad Dyu na i dad Farisi, yé fgadèla di dad to, ku nè to mite i gufanak Dyisas, tulenan du kanfèla.

Dyan 5:18

Taman, too midul kayè i dad ganlal i dad Dyu meye kfagu kfatila kenen du yé fandamla, ta lwe salàan. Ise ku lo lnafàan i uldin gablà di Du Kaftud, bay di kmanan dun na Dwata kun i Màan, ta fasalngadan i kton di Dwata.

Dyan 7:30

Taman, tilewla kamfè kenen, bay landè gaganla nimò du là fa kel i bangan.

Dyan 7:32

Na linge dad Farisi i ksutab i kdee dad to gablà ku Dyisas. Taman, i dad Farisi na i dad ganlal di kafaglut i dad Dyu, mdek ale dad sundalu du kanfèla Dyisas.

Dyan 7:44

na mayè dademe to kamfè kenen, bay landè gaganla nimò.

Dyan 8:59

Yé duenam man, mulut ale batu du ndakla kenen. Bay salbuni Dyisas, na tnagakan i Gumnè Gumangamfù di Dwata.