Mark 9:33 - I Falami Kasafnè (New Testament)

³³ Kafnge ayé, ta salu ale di Kapernaum. Na kanto fusuk ale Dyisas di lam i gumnè, snalekan i dad to galan tdò, manan, “Dét i san-gilyu gine di dalan?”

Mark 9:33 ပူးပေါင်းရင်းမြစ်များ

Matyu 17:24

Salu Dyisas na i dad to galan tdò ditù di Kapernaum. Na nun dad to déé gal mwè i tabeng di Bong Gumnè Gumangamfù di Dwata, na smalek ale di ku Piter, manla, “I to gal tamdò gamu, gal kenen mlé tabeng di Bong Gumnè i Dwata?”

Mark 2:8

Na ta gadè Dyisas i mnè di fandamla, na manan di dale, “Kan ku ani fandamyu?

Mark 3:19

Na lêan nalék Dyudas Iskariyot, dunan i makal ku Dyisas.

Dyan 2:25

Na balù landè tmulen kenen ku dét mnè di fandam i dad to, du ta sanan gadè i fandamla.

Dyan 21:17

Na lê smalek Dyisas di gatlun dulê, manan, “E Simon, ngà Dyan, kandom agu kè?” Na too mlidù Piter du di gatlun dulê smalek kenen, yé salekan, “Kandom agu kè?” Na man Piter di ku Dyisas, “E Amu, gadèam i kdee, taman, gadèam na kandota ge.” Na man Dyisas di kenen, “Ku kandom agu, nifatam do dad ngà bilibiligu.

Hibru 4:13

Na landè ti gbuni di kite i Dwata du too mefe i kdee di kenen, na i kdeeto tmimel i nimòto di kenen.

Ta Fite 2:23

Fnatigu i dad ngàan, na fagu déé, teen i kdee dad to ftoo na gadègu i fandamla na knayè i dad to, na bnalàgu di kat satu gamu i dad nimòyu.