Mark 5:24 - I Falami Kasafnè (New Testament)

²⁴ Na yé duenam man, magin Dyisas di kenen. Lê nun dee dad to lmalò ku Dyisas, na fan là gagun du mdà di kasgat i dad to.

Mark 5:24 ပူးပေါင်းရင်းမြစ်များ

Mark 3:20

Na ta lê mulê Dyisas di banwe gumdàan. Na lê nun dee dad to stifun déé, na yé duenam man là gasleng Dyisas kmaan na i dad to galan tdò.

Mark 5:23

Na too kenen fakdo, manan, “Ta fan mati i tukay ngàgu libun. Beg ge magin do, na nagotam kenen du fye mgulê.”

Mark 5:25

Na nun satu libun magin ta sfalò lwe fali klo i litèan sigi maloh.

Mark 5:31

Na tmimel i dad to galan tdò, manla, “Gadèam na dee dad to gihok di ge mdà di kasgatla, na kan dé ku snalekam ku simto magot ge?”

I Fye Tulen Gablà ku Dyisas Krayst, i Sulat Luk 11:29

Baling matnù i dad to stifun di saféd Dyisas na di du ayé, talù kenen, manan, “Too ti sasè i dad to di mdu ani. Gal ale mni tnikeng, bay landè fitegu ani, senan lo satu ilè gambet i mkel di ku Dyona i satu to di munan.

I Fye Tulen Gablà ku Dyisas Krayst, i Sulat Luk 12:1

Na nun file libu dad to stifun déé du flinge ale di tdò Dyisas, na baling ale sagaslob du mdà di kasgatla. Na funa tambù Dyisas talù di dad to galan tdò, manan, “Fan-geyeyu i dad Farisi du too ale flingu, tà gamu kanfit di kaflingula. Yé guflingen i kaflingula di bulung falnok fan du mlal lamnok.

I Fye Tulen Gablà ku Dyisas Krayst, i Sulat Luk 19:3

Kayèan teen ku simto Dyisas, bay landè kibòan du fukal kenen, na too sgat dad to.

I Fye Tulen Gablà ku Dyisas Krayst, i Sulat Luk 7:6

Na yé duenam man, magin Dyisas di dad tua mngé kenen. Kanto mdadong ale Dyisas di gumnè, lê dek i ganlal i dademen sgalak fsitong ku Dyisas. Na kanto kel i dad to dekan di ku Dyisas, manla di kenen, “Amu, yé fnè i to mdek gami nang ge faflayam kun. Nang ge fles du là gablàan kun fafusuk ge di gumnèan.

I Fye Tulen Gablà ku Dyisas Krayst, i Sulat Luk 8:42

Yé duenan fakdo di ku Dyisas du i sen ngàan libun, ta sfalò lwe falin, ta fan mati. Na di kagula salu ditù, fan là gagu Dyisas du mdà di too kasgat i dad to.

I Fye Tulen Gablà ku Dyisas Krayst, i Sulat Luk 8:45

Na smalek Dyisas, manan, “Simto magot do?” Bay man i kdee dad to, “Là nagotmi ge.” Na talù Piter di ku Dyisas, manan, “Amu, bong dee dad to gihok di ge du mdà di kasgatla.”

Dad Nimò 10:38

Ta gadèyu gablà di ku Dyisas Krayst mdà di Nasarét, i gumlé Dwata gnagan na i Mtiu Tulus. Na ta lêyu gadè na lamngab kenen mimò fye, na fan-gulêan i kdee dad to snamuk i busaw du too samnagin Dwata di kenen.