Mark 12:33 - I Falami Kasafnè (New Testament)

³³ Na là fakay ku i to là kanbongan nawa Dwata mdà di nawan, na di fandaman, na di kaglabatan, na di kgisan. Na lê là fakay ku là kanbongan nawa i dademe to salngad i kton. Balù ku mabtas di Dwata i kdee dad agaf snakufto na dad dsùto di kenen, bay yé too mabtas di kenen dunan i kimento i dad lwe uldinan ani.”

Mark 12:33 ပူးပေါင်းရင်းမြစ်များ

Matyu 12:7

Ani man di Tnalù i Dwata, ‘Ise ku dsù i dad lmanaf i kayègu, bay kasakdo.’ Ku loyu glabat moon, là ti falnayamyu i dad to landè salà,

Matyu 9:13

Na tooyu fandam i gumtatek i man ani di Tnalù i Dwata, ‘Ise ku yé toogu knayè i kabléyu dad dsù, bay yé kayègu i kasakdoyu.’ Ise ku i dad to tluh i fanngabalgu, bay yé fanngabalgu i dad to gamsalà.”

Hibru 10:8

Yé funan man, “Ise yé knayèam, na là fnò nawam di dad lmanaf, na dad tadè blé, ku demen dad lmanaf snakuf di gudamsù, na dad dsù falmo moon i salà.” Yé manan balù ku kdee dad dsù ani glalò di man i uldin.