I Fye Tulen Gablà ku Dyisas Krayst, i Sulat Luk 9:10 - I Falami Kasafnè (New Testament)

¹⁰ Na kanto mulê di ku Dyisas i dad to dekan, tulenla di kenen i kdee mgimòla. Na fnge faginan ale salu di satu lunsud dnagit Bétsayda lo dale.

I Fye Tulen Gablà ku Dyisas Krayst, i Sulat Luk 9:10 ပူးပေါင်းရင်းမြစ်များ

Matyu 11:21

“Magakdo gamu, dad to di banwe Korasin na lê man di banwe Bétsayda. Kaflingenta dun, i dad to di dad banwe Tiro na Sidon, ku dale mite i dad tnikeng ta gfite di gamu, ta msal ale, na ta sanala fite i ksalla fagu di kalsakla saul sakù na i kbubulla abu di tah ulula.

Mark 2:7

“Kan ku talù i to ani gambet ayé? Mlad kenen du landè dademe gmagan fmasinsya i salà, lo senan Dwata.”

I Fye Tulen Gablà ku Dyisas Krayst, i Sulat Luk 10:17

Na ta mdà magu i dad fitu falò lwe to, na nimenla i dad flau Dyisas dale. Na di kulêla, too ale lehew, na manla, “Amu, balù i dad busaw, dekmi ale lamwà fagu di dagitam, na mimen ale.”

Dyan 1:44

Na yé gumdà Filip di banwe dnagit Bétsayda, dunan i gumdà ale Andru na Piter.

Hibru 13:17

Nafèyu i dad ulu di kaftoo, na nimenyu i dad dekla, du landè kaftudla mifat gamu, na dale tmimel i katalbahòla di Dwata. Ku nimenyu ale, too ale lehew mimò i nimòla. Bay ku là, mlidù ale di kimòla dun, na landè kibòla tmabeng gamu.