I Fye Tulen Gablà ku Dyisas Krayst, i Sulat Luk 8:44 - I Falami Kasafnè (New Testament)

⁴⁴ Na fdadong kenen di kagol Dyisas, na nagotan i kilil i saulan, na tadè tlag kaloh i litèan.

I Fye Tulen Gablà ku Dyisas Krayst, i Sulat Luk 8:44 ပူးပေါင်းရင်းမြစ်များ

Matyu 20:34

Na kando Dyisas ale, na nagotan dad matala. Na tadè ale mite, na fles ale magin ku Dyisas.

Matyu 8:3

Na nagot Dyisas kenen, na manan, “Mayè agu sa. Mgulê ge nan.” Na tadè mkah i fdasan mumuh ayé.

Matyu 9:20

Na di kagula, nun satu libun déé ta sfalò lwe fali klon sigi maloh i litèan. Fdadong kenen di kagol Dyisas, na nagotan kilil i saulan,

Mark 6:56

Na balù nè gusalun di dad malnak banwe, ku demen di dad lunsud, na di dad gumnè, nebela i dademela nun tduk salu di gal gustifun i dad to. Na fakdo ale di ku Dyisas du fye began ale fagot balù lo di kilil i saulan. Na ku simto gmagot i saulan, mgulê.

I Fye Tulen Gablà ku Dyisas Krayst, i Sulat Luk 13:13

Na nagot Dyisas kenen, na tadè tluh i kagolan, na flesan dnayen i Dwata.

I Fye Tulen Gablà ku Dyisas Krayst, i Sulat Luk 7:38

Na kanto fusuk di gumnè ayé, fdadong kenen di ku Dyisas, na lkuad di saféd i blìan. Na too kenen mngel, na fatdakan i lwakan di blì Dyisas. Na yé ifun dun wakan, na nalakan i blì Dyisas, klon mkok dun fangbun.

I Fye Tulen Gablà ku Dyisas Krayst, i Sulat Luk 8:43

Na nun satu libun magin ta sfalò lwe fali klon sigi maloh i litèan, na ta ftin i filakan di dad mulung, bay landè gamfgulê kenen.

I Fye Tulen Gablà ku Dyisas Krayst, i Sulat Luk 8:45

Na smalek Dyisas, manan, “Simto magot do?” Bay man i kdee dad to, “Là nagotmi ge.” Na talù Piter di ku Dyisas, manan, “Amu, bong dee dad to gihok di ge du mdà di kasgatla.”

Dyan 5:13

Bay là gadè i to ayé ku simto i famgulê dun du ta dee dad to stifun déé, na ta talgunus Dyisas mdà.

Dad Nimò 19:12

Na balù ku lo masala na falnas labédan di awekan, i feben di dad to nun tduk, tadè ale mgulê, na lamwà dad busaw di dale.

Dad Nimò 5:15

Na mdà di nimò dad to dek Dyisas, nebe dad to i dademela nun tduk di dad dalan, na filèla ale di dad katri na dad igem du fye ku ta magu Piter déé, gtadè di dale i alungan, na mgulê ale.