I Fye Tulen Gablà ku Dyisas Krayst, i Sulat Luk 7:37 - I Falami Kasafnè (New Testament)

³⁷ Na lê nun libun too gamsalà mnè di lunsud ayé, na kanton linge na déé gukmaan Dyisas di gumnè i Farisi ayé, salu kenen déé na nun neben too mabtas sabuy fnò fangbun.

I Fye Tulen Gablà ku Dyisas Krayst, i Sulat Luk 7:37 ပူးပေါင်းရင်းမြစ်များ

Matyu 21:31

Di dad lwe ngà ani, simto i mimen di knayè i màla?” Tmimel ale, manla, ‘I twege.’ Na man Dyisas di dale, “Too glut i man-gu di gamu ani, i dad to man nawayu too sasè gambet i dad to mwè bayad i buhis na i dad libun gal mkat lagi, muna ale di gamu gfusuk di Kagot Dwata.

I Fye Tulen Gablà ku Dyisas Krayst, i Sulat Luk 18:13

Bay i to gal mwè bayad i buhis, tadag kenen di gumawagan. Kudung kenen, na ntungan i kfen mdà di sasè klidùan, na manan, ‘E Dwata, begam agu kando du too agu gamsalà.’

I Fye Tulen Gablà ku Dyisas Krayst, i Sulat Luk 19:7

Bay i kdee dad to, teenla i nimò Dyisas ayé, na sungag ale, manla, “Tlang kenen di gumnè i to too gamsalà.”

I Fye Tulen Gablà ku Dyisas Krayst, i Sulat Luk 5:30

Na mdà ayé, sungag i dad Farisi na i dad to gal tamdò i dad uldin Dwata fagu di ku Mosis, na manla di dad to tdò Dyisas, “Kan ku kmaan gamu di saféd i dad to gal mwè bayad i buhis na i dademe dad to lmafà i dad uldin Dwata?”

I Fye Tulen Gablà ku Dyisas Krayst, i Sulat Luk 5:32

Ise ku i dad to tluh i fanngabalgu, bay i dad to gamsalà du fye msal ale.”

I Fye Tulen Gablà ku Dyisas Krayst, i Sulat Luk 7:34

Na do, i dnagit Ngà To, kmaan agu na minum, na yé manyu gablà di do, ‘Neyeyu. Tyan kenen na gal flangal, na yé dademen sakdo i dad sasè to gal mwè bayad i buhis na dad to lmafà i dad uldin Dwata.’

I Fye Tulen Gablà ku Dyisas Krayst, i Sulat Luk 7:36

Na nun satu Farisi mlak ku Dyisas kmaan di safédan, na mdà ayé fusuk Dyisas di gumnèan na ta sudeng du kmaan.

Dyan 11:2

Dunan ani i Méri mkok fye bun di blì Dyisas, na nifun wakan. Na kenen sa i libun Lasarus.

Dyan 9:24

Na yé duenam man, ta lêla tlo i to ayé, manla dun, “Tulenam i kaglutan di kanfe Dwata, du gadèmi i to ayé lo satu to gamsalà.”

Dyan 9:31

Na gadèto i Dwata, là falningen i dad to gamsalà, bay lo yé falningen i dad to mafè kenen, na lmalò di knayèan.

Roma 5:8

Bay fite Dwata i kalbong nawan gito, du di lamto gamsalà, fafati Krayst di gito.

1 Timoti 1:15

Nun satu talù too gablà fantoo i kdee, dunan ani, salu Krayst Dyisas dini di tah tanà du falwàan i dad to gamsalà, na do sa i too sasè di kdee.

1 Timoti 1:9

Na gadèto ise ku yé duen Dwata mimò i dad uldin ku mdà di dad to tluh. Bay yé duenan nun uldin du mngak i to lmafà i dad uldin, na i to là mimen, na i là fulung likò di Dwata, na i too bayan di salà, na i là ftoo di Dwata, na madoy i fye, na lê man i to manò i màan na yêan na i dademe dad to,

1 Piter 4:18

Du ani man di Tnalù Dwata, “Ku mlimah galwà i fye to, dét kibò i dad to bayan mimò salà na là ftoo di Dwata?”