I Fye Tulen Gablà ku Dyisas Krayst, i Sulat Luk 7:16 - I Falami Kasafnè (New Testament)

¹⁶ Na too likò i kdee dad to déé, na dmayen ale di Dwata, manla, “Ta nun kel di blengto satu tugad i Dwata too maltulus. Ta kel Dwata dini du banlén kagalwà i dad ton.”

I Fye Tulen Gablà ku Dyisas Krayst, i Sulat Luk 7:16 ပူးပေါင်းရင်းမြစ်များ

Matyu 15:31

Na too tikeng i dad to du yé teenla na ta gtalù dad umu, na ta mgulê dad kimay, na ta gagu dad to là galyak i lawehla, na ta mite dad butè. Na toola dnayen Dwata i dad to Israél.

Matyu 21:11

Na tmimel i dad to magin, manla, “Dyisas ani, i Tugad Dwata mdà di Nasarét di Galili.”

Matyu 28:8

Na yé duenam man, gasil mdà dad libun fdu di lbang. Likò ale, bay lê ale too lehew. Too ale sadluh du fye tulenla di dad to gal tdò Dyisas.

Matyu 9:8

Kanto teen i kdee dad to i nimò Dyisas ayé, too ale likò na dnayenla i Dwata du mdà di kablén gnagan salngad ani di satu to.

I Fye Tulen Gablà ku Dyisas Krayst, i Sulat Luk 1:65

Too likò i dademela saldan. Na mbel i santulen gablà di mgimò ayé di kdee dad bulul di Dyudiya.

I Fye Tulen Gablà ku Dyisas Krayst, i Sulat Luk 1:68

“Dnayento i Amuto Dwata, dunan i fnangamfù i bel Israél, du ta kel kenen di dad ton na banlén ato kagalwà.

I Fye Tulen Gablà ku Dyisas Krayst, i Sulat Luk 19:44

Fnatila gamu di lam i syudadyu, balù kel di dad ngàyu. Na di kdee dad gumnè, landè balù satu batu gtagak di guglakatla du mti malbà, du là dnilèyu ku ani i du kakel Dwata di gamu.”

I Fye Tulen Gablà ku Dyisas Krayst, i Sulat Luk 2:20

Na samfulê nan i dad to mifat dad bilibili, na too ale dmayen di Dwata du mdà di kdee ta lingela na ta teenla du ta gdohò i man i kasaligan di dale.

I Fye Tulen Gablà ku Dyisas Krayst, i Sulat Luk 24:19

Na smalek Dyisas, manan, “Dét i dad manyu ta mkel?” Na tmimel ale, manla, “Nun Tugad i Dwata, yé dagitan Dyisas, mdà di Nasarét. Too kenen maltulus fagu di dad talùan, na di dad nimòan di kanfe i Dwata, na di kanfe i kdee dad to.

I Fye Tulen Gablà ku Dyisas Krayst, i Sulat Luk 5:26

Too ti tikeng i kdee dad to, na dmayen ale di Dwata. Tngah ale, na manla, “Too tnikeng i teento ani gine.”

I Fye Tulen Gablà ku Dyisas Krayst, i Sulat Luk 5:8

Na kanto teen Simon Piter ayé, lkuad kenen di muna Dyisas, na manan, “E Amu, beg ge fawag di do du too agu gamsalà.”

I Fye Tulen Gablà ku Dyisas Krayst, i Sulat Luk 7:15

Na ta mték i to mati ayé, na talù kenen. Na fulê Dyisas kenen di yêan.

I Fye Tulen Gablà ku Dyisas Krayst, i Sulat Luk 7:39

Na i Farisi ta mlak ku Dyisas kmaan, kanton teen i nimò i libun ayé, man i nawan, “Ku i to ani too glut tugad i Dwata, ta sanan gadè moon ldam i libun ani ta magot di kenen, du i libun ani too gamsalà.”

I Fye Tulen Gablà ku Dyisas Krayst, i Sulat Luk 8:37

Na i kdee dad to di banwe i dad Gérasin, fakdo ale ku Dyisas du fye tnagakan i banwela du too sasè klikòla. Na mdà ayé, ta mdà Dyisas smakay di aweng.

I Fye Tulen Gablà ku Dyisas Krayst, i Sulat Luk 9:19

Na tmimel ale, manla, “Yé man dademe na ge Dyan Gal Munyag. Na i dademe, manla ge Ilaydya, na i dademe manla ge i satu tugad i Dwata mdà di muna ta mték di fati.”

Dyan 1:21

Na lêla snalek kenen, manla, “Bay simto ge? Ge kè Ilaydya?” Bay tmimel Dyan, manan, “Ise.” Na lêla man snalek kenen, manla, “Ge kè i Tugad Dwata?” Bay lê tmimel Dyan, manan, “Ise.”

Dyan 1:25

Na ta lê ale smalek, manla, “Ku ise ge Krayst, i Mgalék Dwata, ku demen Ilaydya, ku demen i Tugad Dwata, kan sa ku gal ge munyag?”

Dyan 4:19

Na man i libun ayé di kenen, “Fantoogu na ge satu tugad i Dwata.

Dyan 6:14

Na kanto teen i dad to kmaan ayé i tnikeng nimò Dyisas, manla, “Ani i tugad Dwata sanfatanto dek Dwata salu di tah tanà.”

Dyan 9:17

Na kafnge ayé, lêla snalek i to ayé, manla, “Dét i gmanam gablà di kenen du ta manam sa kenen famgulê i matam?” Na tmimel kenen, manan, “Kenen sa satu tugad i Dwata.”

Dad Nimò 5:5

Na kanto linge Ananayas i man Piter ayé, tin tadè bek, na fles mati. Na too ti likò i kdee dad to lminge i ta mkel di kenen.

Dad Nimò 7:37

Na Mosis sa i man dun di dad to Israél, ‘Nun satu tugad Dwata mdà di dademeyu dekan di gamu salngad do.’

Galasya 1:24

Taman, toola dnayen i Dwata mdà di do.