I Fye Tulen Gablà ku Dyisas Krayst, i Sulat Luk 23:54 - I Falami Kasafnè (New Testament)

⁵⁴ Na i du kfati Dyisas, yé dula fatlagad di Du Kaftud. Na ta fan tambù i Du Kaftud nan, du ta fan sdaf i du.

I Fye Tulen Gablà ku Dyisas Krayst, i Sulat Luk 23:54 ပူးပေါင်းရင်းမြစ်များ

Matyu 27:62

Na di tmadol du, dunan i Du Kaftud, salu di ku Pilato i dad ganlal di kafaglut i dad Dyu, na dad Farisi.

Mark 15:42

I du kfati Dyisas, yé du kafatlagadla di Du Kaftud. Kanto kifuh, nun satu lagi yé dagitan Dyosip mdà di banwe Arimatiya, na kenen satu mgafè di dad ganlal. Lêan fatan i Kagot Dwata. Na fan-galan i nawan salu di ku Pilato du fnin i laweh Dyisas.

I Fye Tulen Gablà ku Dyisas Krayst, i Sulat Luk 23:53

Na kafnge ayé, ta nwèan i laweh Dyisas mdà di krus, na lnabédan falnas bukay, klon mkah dun di satu ilib fakay gulambang ta fala fnge nakol di gugdak i bulul, na landè lmen lbang déé.

Dyan 19:14

Na ta fan ltu du nan di du i kafatlagad i kakaan di Fista Du Kaglius. Na man Pilato di dale, “Neyeyu. Ani harìyu.”

Dyan 19:31

Ta flabi nan di du kafatlagad di là fa tambù i Fista Du Kaglius, na i tmadol du dunan i Du Kaftud too mdatah. Taman, salu dad ganlal i dad Dyu di ku Pilato, na mbal ale du tanfòla blì i dad to ta fnatak di krus, du fye mlal ale mati na nwèla ale mdà di krus di laman là kel i Du Kaftud.

Dyan 19:42

Na ta fan kel i Du Kaftud i dad Dyu, na yé duenam man, déé nan i gulambangla ku Dyisas du mdadong di gumatin.