I Fye Tulen Gablà ku Dyisas Krayst, i Sulat Luk 23:4 - I Falami Kasafnè (New Testament)

⁴ Na fgadè Pilato di dad ganlal di kafaglut i dad Dyu na kel di dademe dad to, manan, “Landè gadègu salàan ku gumdàgu falmayam dun.”

I Fye Tulen Gablà ku Dyisas Krayst, i Sulat Luk 23:4 ပူးပေါင်းရင်းမြစ်များ

Matyu 27:19

Na di ksudeng Pilato di gusudeng i to mukum, nun sulat febe yaanan di kenen, manan, “Nang ge lmabet di to ayé du landè salàan. Balbutang too agu maflayam di kaknagu kenen.”

Mark 15:14

Bay smalek Pilato, manan, “Kan? Dét i salàan?” Na baling matnù kakitla, manla, “Fnatak kenen di krus.”

I Fye Tulen Gablà ku Dyisas Krayst, i Sulat Luk 23:22

Na ta lê talù Pilato di gatlun dulê, manan, “Kan? Dét salàan? Landè teen-gu salàan ku gumdàgu fafati kenen. Yé duenam man, logu faflayam klogu falwà dun.”

Dyan 18:38

Na smalek Pilato, manan, “Dét kè i kaglut manam ayé?” Na di kafngen man ayé, lê lamwà salu di dad Dyu, na manan di dale, “Landè teen-gu salà di to ayé.

Dad Nimò 25:25

Bay landè teen-gu salàan ku gumdà fmati kenen, bay du yé ta fnin ku Sisar i mukum kenen, fan-gu febe kenen gatù di Roma.

Dad Nimò 3:13

Bay i Dwata Abraham, Isaak, na Dyékob, dunan i Dwata dad gutambulto, kenen i ta fdatah ku Dyisas, i dekan. Gamu i mlé dun di dad ganlal, na là ti nsenyu dun di kanfe Pilato, balù ku yé kayè Pilato falwàan Dyisas.

Hibru 7:26

Taman, Dyisas i Mdatah Mnè di Bleng i too mlé dad kalnidùto. Too kenen mtiu, na landè gumaslenan, na landè salàan. Ta matfing kenen mdà di dad to gamsalà, na ta mbatun ditù di langit.

1 Piter 1:19

Bay yé sòan gamu i too mabtas litè Krayst, du salngad kenen i satu ngà bilibili landè slenan.

1 Piter 2:22

Là gamsalà Dyisas Krayst, na là tmulenan kéng.

1 Piter 3:18

Balù Krayst, mati kenen du mdà di dad salàyu. Lo sulêan mati ta sikof. Mati i landè salà du tlas i dad to gamsalà du sanfyen gamu di Dwata. Gfati i lawehan, bay mték fagu di Mtiu Tulus.