I Fye Tulen Gablà ku Dyisas Krayst, i Sulat Luk 22:34 - I Falami Kasafnè (New Testament)

³⁴ Bay man Dyisas di kenen, “Ani man-gu di ge, Piter, di laman là kalmeet i anuk, ta sanam agu bnalew tlu dulê di kmanam dun làam agu dilè.”

I Fye Tulen Gablà ku Dyisas Krayst, i Sulat Luk 22:34 ပူးပေါင်းရင်းမြစ်များ

Matyu 26:34

Bay tmimel Dyisas, manan, “Too glut i man-gu di ge ani na kadang kifuh, di là fa kalmeet i anuk, ta sanam agu bnalew tlu dulê di kmanam dun na làam agu dilè.”

Matyu 26:74

Baling kenen samdagè, manan, “Falnayam Dwata agu ku tmulen agu kéng. Là dilègu i lagi ayé.” Na ta kalmeet i anuk.

Mark 14:30

Bay man Dyisas di kenen, “Too glut i man-gu di ge ani, na kadang kifuh di là fa kalmeet i anuk lwe dulê, ta sanam agu bnalew tlu dulê di kmanam dun làam agu dilè.”

I Fye Tulen Gablà ku Dyisas Krayst, i Sulat Luk 22:33

Bay talù Simon Piter, manan di ku Dyisas, “Amu, ta gatlagad agu magin di ge salu di blanggù na balù kel di fati.”

I Fye Tulen Gablà ku Dyisas Krayst, i Sulat Luk 22:35

Na kafnge ayé, lê snalek Dyisas ale, manan, “Di kdekta gamu di muna, landè nebeyu, balù gufkah filak, ku demen kuyut, ku demen dademe talumfà. Nun kè gukulangyu?” Na tmimel ale, manla, “Landèan.”

I Fye Tulen Gablà ku Dyisas Krayst, i Sulat Luk 22:61

Na kmangél Dyisas du neyen Piter. Na ta gafaldam Piter i ta fala man Dyisas gine, “Di laman là kalmeet i anuk di mdu ani, ta sanam agu bnalew tlu dulê di kmanam dun làam agu dilè.”

Dyan 13:38

Bay tmimel Dyisas, manan di kenen, “Too kè i manam na ta gatlagad ge fafati di do? Too ti glut i man-gu di ge, di laman là fa kalmeet i anuk, ta sanam agu bnalew tlu dulê di kmanam dun làam agu dilè.”

Dyan 18:27

Bay lê man malew Piter, na manan, “Ise do.” Na ta kalmeet i anuk.