I Fye Tulen Gablà ku Dyisas Krayst, i Sulat Luk 19:42 - I Falami Kasafnè (New Testament)

⁴² manan, “Mulà moon ku gamu, i dad to di Dyérusalém, ta gadèyu i gamlé ktanak nawa, bay là teenyu dun du gbuni di matayu.

I Fye Tulen Gablà ku Dyisas Krayst, i Sulat Luk 19:42 ပူးပေါင်းရင်းမြစ်များ

I Fye Tulen Gablà ku Dyisas Krayst, i Sulat Luk 19:41

Na kanto kenen mdadong di syudad Dyérusalém, di kagadwengan dun, ta mngel kenen,

I Fye Tulen Gablà ku Dyisas Krayst, i Sulat Luk 19:43

Nun du kel kadang na i dad to dmuen gamu, lnibutla labat i syudad, na i dad sundalula, salnibutla gamu.

I Fye Tulen Gablà ku Dyisas Krayst, i Sulat Luk 19:44

Fnatila gamu di lam i syudadyu, balù kel di dad ngàyu. Na di kdee dad gumnè, landè balù satu batu gtagak di guglakatla du mti malbà, du là dnilèyu ku ani i du kakel Dwata di gamu.”

Dad Nimò 10:36

Ani fgadè Dwata di dad to di Israél, dunan i katdò i Fye Tulen gablà di ktanak nawa fagu ku Dyisas Krayst, dunan i Amu i kdee.

Dad Nimò 13:46

Bay baling too midul kinit nawa ale Pol na Barnabas, na manla di dad Dyu, “Là fakay ku ise gamu i funami tdò i Tnalù Dwata. Bay ani, du knangyu, na là fandamyu i ktoyu gablà gamu gamdawat nawa landè sen, taman, yé balingmi gusalu di dad to ise Dyu du dale i tnulenmi.

Hibru 3:13

Bay ani fye nimòyu du fye landè mafgaw di salà, na là magéng uluyu. Kat du, too gamu satgal di laman fa nun bang.

Hibru 3:15

Ani man di Tnalù Dwata, “Ku lingeyu i talù Dwata di mdu ani, nangyu fagéng i uluyu salngad i gutambulyu di là kimenla i Dwata.”

Hibru 3:7

Taman, salngad di man i Mtiu Tulus, “Ku lingeyu i talù Dwata di mdu ani,