I Fye Tulen Gablà ku Dyisas Krayst, i Sulat Luk 18:43 - I Falami Kasafnè (New Testament)

⁴³ Tadè mite kenen, na fles magin ku Dyisas, na toon dnayen i Dwata. Na kanto teen i kdee dad to i kiten, lêla dnayen i Dwata.

I Fye Tulen Gablà ku Dyisas Krayst, i Sulat Luk 18:43 ပူးပေါင်းရင်းမြစ်များ

Matyu 11:5

Mite i dad butè, na gagu dad kimay, na mgulê i dad to nun fdas mumuh, na lminge i dad bakong, na mték i dad mati, na i dad to landè knun, lingela i Fye Tulen.

Matyu 21:14

Na nun dad butè na dad kimay fdadong di kenen déé di gumnè ayé, na fan-gulêan ale.

Matyu 9:8

Kanto teen i kdee dad to i nimò Dyisas ayé, too ale likò na dnayenla i Dwata du mdà di kablén gnagan salngad ani di satu to.

I Fye Tulen Gablà ku Dyisas Krayst, i Sulat Luk 13:17

Na kanto man Dyisas ayé, too ti myà i kdee dad to dmuen kenen, bay i dademe dad to flinge, lehew ale gablà di kdee dad fye nimòan.

I Fye Tulen Gablà ku Dyisas Krayst, i Sulat Luk 19:37

Na kanto ale mdadong di Dyérusalém di guflasok i dalan fdu di Bulul Olib, i kdee dad to galan tdò, too ale lehew, na falbongla i talùla du dnayenla i Dwata du mdà di kdee tnikeng ta teenla.

I Fye Tulen Gablà ku Dyisas Krayst, i Sulat Luk 4:39

Na fdadong Dyisas déé di gumilèan, na dekan lamwà i init i libun ayé, na ta mkah i kinitan. Tadè kenen mték, na fles mimò dale knaan.

I Fye Tulen Gablà ku Dyisas Krayst, i Sulat Luk 5:26

Too ti tikeng i kdee dad to, na dmayen ale di Dwata. Tngah ale, na manla, “Too tnikeng i teento ani gine.”

I Fye Tulen Gablà ku Dyisas Krayst, i Sulat Luk 9:43

Na tikeng i kdee dad to du mdà di kaltulus i Dwata. Na yé duenam man, di ktikengla, ta talù Dyisas di dad to galan tdò, manan,

Dad Nimò 11:18

Na i dad Dyu ayé, kantola linge i man Piter, ta là madoy ale, bay balingla too dnayen i Dwata, manla, “Taman, ta banlé Dwata i dad to ise Dyu ayèla msal du fye gfunla falami nawa, na galwà ale.”

Dad Nimò 26:18

Ge mukà i fandamla, du fye tnagakla i gukmifuhan salu di gumalwan, na tnagakla i kagot Satanas salu di Dwata, du fye magfasinsya i dad salàla, na gdawatla i dale alel gagin di dademe dad to ta mgalék Dwata.’

Dad Nimò 4:21

Bay ta baling too midul i kafnangla dale Piter na Dyan, na yé klola falwà dale. Landè kibòla falmayam dale du i kdee dad to, toola dnayen i Dwata du mdà di ta mkel di lagi ayé.

Galasya 1:24

Taman, toola dnayen i Dwata mdà di do.

1 Piter 2:9

Bay gamu dad ftoo i lumbuk ta nalékan, na i dad snalig i Harì mlé dsù, na i dad to tanfingan, na i dad to nfunan du fye tulenyu i dad fye nimòan du ta tlon gamu mdà di lam kifuh salu di gumalwan too gamtikeng.