I Fye Tulen Gablà ku Dyisas Krayst, i Sulat Luk 14:15 - I Falami Kasafnè (New Testament)

¹⁵ Na nun satu to déé, kanton linge i man Dyisas, manan, “Too nun kafye i to kmaan di bong fista nimò Dwata di langit.”

I Fye Tulen Gablà ku Dyisas Krayst, i Sulat Luk 14:15 ပူးပေါင်းရင်းမြစ်များ

Matyu 25:10

Na yé duenam man, ta mdà ale. Na di lamla ditù, ta kel i lagi sansong, na ta magin dad libun ta gatlagad salu di ksong. Na kanto ale fusuk déé, ta tmakab i lagi sansong.

Matyu 8:11

Na ani manta gamu, kadang di fulé du, nun dee dad to ise Dyu kel mdà di klamang banwe, mdà di gusut i du na di gusdafan, na kmaan ale di saféd Abraham, na Isaak, na Dyékob di Kagot Dwata di langit.

I Fye Tulen Gablà ku Dyisas Krayst, i Sulat Luk 12:37

Fye nawa i dad snaligan ani du gatlagad ale di kakel i amula. Tulenta gamu i kaglutan, lsakan i saul lufadan, na fsudengan ale du kenen i famkaan dale.

I Fye Tulen Gablà ku Dyisas Krayst, i Sulat Luk 13:29

Na lê nun dad to mdà di klamang banwe, dunan mdà di gusut i du na lê mdà di gusdafan na mdà di gufdu i sabnal na mdà di gufdu i nus mahin. Na ku ta kel ale déé, sudeng ale du kmaan di bong fista di Kagot i Dwata.

I Fye Tulen Gablà ku Dyisas Krayst, i Sulat Luk 22:16

Na ani man-gu di gamu, mdà ani ta là tayò agu lê kmaan di Fista i Du Kaglius. Silang agu lê kmaan salngad ani ku ta gdohò i gumtatek i Du Kaglius di Kagot Dwata.”

I Fye Tulen Gablà ku Dyisas Krayst, i Sulat Luk 22:30

du fye kmaan gamu na minum gamu di safédgu kadang di kagotgu. Na lê gamu sudeng ditù di gusudeng i dad ganlal du nukumyu i dad bel i dad sfalò lwe ngà Israél.”

Ta Fite 19:9

Na kafnge ayé, lê talù i kasaligan di do, manan, “Sulatam ani: Nun kafye i dad to nlak di ksong i Ngà Bilibili.” Na lêan man di do, “Yé too glut man Dwata.”