I Fye Tulen Gablà ku Dyisas Krayst, i Sulat Luk 14:11 - I Falami Kasafnè (New Testament)

¹¹ Du nè i to fdatahan i kton, mbaling mdanà, na nè i to fdanàan i kton, mbaling mdatah.”

I Fye Tulen Gablà ku Dyisas Krayst, i Sulat Luk 14:11 ပူးပေါင်းရင်းမြစ်များ

Matyu 23:12

Ku simto fdatah i kton, yé baling mdanà, na ku simto fdanà i kton, yé baling mdatah.”

I Fye Tulen Gablà ku Dyisas Krayst, i Sulat Luk 1:51

Ta gfiten i bong mgimòan fagu di kaltulusan. Na i dad to fdatah i ktola, ta snamukan i fandamla.

I Fye Tulen Gablà ku Dyisas Krayst, i Sulat Luk 1:52

I dad mdatah to nun glal, fdanàan ale, bay fdatahan i dad to mdanà.

I Fye Tulen Gablà ku Dyisas Krayst, i Sulat Luk 14:12

Na lê talù Dyisas di to mlak kenen, manan, “Ku mimò ge knaan, balù di ltu du ku demen di kifuh, nangam nlak i dademem sgalak, na i dad flanekam, na i dademem saldan bong knun, du ku yé nimòam lêla gbalas i klakam dale.

I Fye Tulen Gablà ku Dyisas Krayst, i Sulat Luk 18:14

Na tulenta gamu ani. I to ani, mulê kenen, ta tluh di mata Dwata, bay i satu, là. Du nè i to fdatahan i kton, baling fdanà Dwata kenen, na nè i to fdanàan i kton, baling fdatah Dwata.”

Dyém 1:9

Ku nun flanekto mlimah du mdà di klandèan, too kenen flehew du Dwata i fdatah kenen.

Dyém 4:10

Fdanàyu i ktoyu di Dwata, na fdatahan gamu.

Dyém 4:6

Bay i kafye Dwata, too midul fa, du ani man di Tnalùan, “Knang Dwata i dad to fdatah i ktola, bay banlén kafye i dad to fdanà i ktola.”

1 Piter 5:5

Na gamu dad lamnok, nafèyu i dad twege di gamu. Na tooyu fdanà i ktoyu di dademeyu, na stabeng gamu, du ani man di Tnalù Dwata, “Knangan i dad to fdatah i ktola, bay banlén kafye i dad to fdanà i ktola.”

1 Piter 5:6

Taman, fdanà gamu di Dwata too maltulus, na fdatahan gamu ku ta kel i bangan.