I Fye Tulen Gablà ku Dyisas Krayst, i Sulat Luk 13:34 - I Falami Kasafnè (New Testament)

³⁴ E, gamu dad to di Dyérusalém i gal fmati dad tugad i Dwata, na mdak batu i dad to dek Dwata salu di gamu. Ta dee dulêgu nan mayè samtifun gamu gambet i anuk mliton ku lanfanan i dad ngàan. Bay là ti mayè gamu.

I Fye Tulen Gablà ku Dyisas Krayst, i Sulat Luk 13:34 ပူးပေါင်းရင်းမြစ်များ

Matyu 22:3

Dekan dad snaligan du nngéla dad to nlakan, bay là mayè ale.

Matyu 22:6

Na i dademe, kanfèla dad snaligan, na fatdukla ale, na fnatila ale.

I Fye Tulen Gablà ku Dyisas Krayst, i Sulat Luk 15:28

Bay baling falbut i ngàan twege, na là mayèan magin fusuk. Na mdà ayé, ta lamwà i màan na fakdo di kenen.

I Fye Tulen Gablà ku Dyisas Krayst, i Sulat Luk 19:44

Fnatila gamu di lam i syudadyu, balù kel di dad ngàyu. Na di kdee dad gumnè, landè balù satu batu gtagak di guglakatla du mti malbà, du là dnilèyu ku ani i du kakel Dwata di gamu.”

I Fye Tulen Gablà ku Dyisas Krayst, i Sulat Luk 23:28

Bay kmangél Dyisas, manan, “E dad libun mdà di Dyérusalém, nangyu agu nngel. Yé nngelyu moon i ktoyu na dad ngàyu.

Dad Nimò 7:52

Nun kè tugad i Dwata là falnayam i dad gutambulyu? Landèan, du fnatila i dad to dek Dwata di munan, kel di dad to ta fala fgadè gablà di kakel i Snaligan Too Tluh. Na kanto kel i To manla ayé, ta nakalyu, na fnatiyu.

Dad Nimò 7:59

Na lamla sigi mdak ku Stifén batu, ta dmasal kenen, manan, “E Amugu Dyisas, dnawatam i nawagu ani.”

Dad Nimò 8:1

Na nagin Sol i ayè i dad to fmati ku Stifén. Na di du kfatila ku Stifén, yé ta katbù i too sasè kaflayam i dad to ftoo di ku Dyisas di Dyérusalém. Taman, ta sbalét i kdeela di dad probinsya di Dyudiya na Samarya, na lo yé tagak di Dyérusalém i dad to dek Dyisas.

Ta Fite 11:8

Na déé gumlasà i lawehla di dalan i bong syudad di gufmatak di krus i Amula di munan. Na yé gugaflingen i syudad ayé Sodom ku demen Idyip.