I Fye Tulen Gablà ku Dyisas Krayst, i Sulat Luk 12:37 - I Falami Kasafnè (New Testament)

³⁷ Fye nawa i dad snaligan ani du gatlagad ale di kakel i amula. Tulenta gamu i kaglutan, lsakan i saul lufadan, na fsudengan ale du kenen i famkaan dale.

I Fye Tulen Gablà ku Dyisas Krayst, i Sulat Luk 12:37 ပူးပေါင်းရင်းမြစ်များ

Matyu 24:42

Yé duenam man, too gamu fgeye du là ti gadèyu ku dét i du kasfulê i Amuyu.

I Fye Tulen Gablà ku Dyisas Krayst, i Sulat Luk 12:43

Too fye nawa i snalig ku ta kel i amun, na teenan kenen talbahò.

I Fye Tulen Gablà ku Dyisas Krayst, i Sulat Luk 17:8

Bay yé gal kibòyu, dekyu kenen mimò knaan, na fnge fatlagad kenen, klon malel i knaanyu. Na kafngeyu kmaan, yé klon kenen kmaan.

I Fye Tulen Gablà ku Dyisas Krayst, i Sulat Luk 21:36

Yé duenam man, too gamu fgeye, na too gamu dmasal du fye nun kgaganyu di kgaguyu i dad kaflayam ani du fye là myà gamu di ktadagyu di kanfegu, dunan i dnagit Ngà To.”

I Fye Tulen Gablà ku Dyisas Krayst, i Sulat Luk 22:27

Simto kè i mdatah, i to sudeng na kmaan, ku i to malel i knaan? Yé tagnè mdatah i to sudeng na kmaan. Bay do sa i Amuyu, na do i baling fdanà i ktogu du mdà di ktabenggu gamu.

Dyan 12:26

Nè to mayè fafasak di do, là fakay ku làan tmadol di do, du fye balù ku nè agu, déé kenen di safédgu. Na nè to fafasak di do, dag Mà kenen.”

1 Korintu 2:9

Bay ani ta gsulat di Tnalù i Dwata, manan, “Ku dét kafye teen na linge na fandam i dad to, midul déé i kafye tagà Dwata di dad to kambong dun nawa.”

Filipus 1:21

Du ani fandamgu, di knègu dini di tah tanà, Krayst i lawilgu. Bay ku ta mati agu, matnù i kafye gwègu.

Filipus 1:23

Masbulug nawagu ku dét i fye nalékgu. Yé satu kayègu ku tnagakgu i banwe ani fye mnè agu di saféd Krayst du yé gamfye di do.

2 Piter 1:11

Na fagu déé, banlén gamu ktoo fusuk di banwe landè sen nagot Dyisas Krayst, dunan i Amu na i Falwà gito.

2 Piter 3:14

Taman, dad flanek, di lamyu fatan i Du ayé, nimòyu i sen gnaganyu du fye mtiu gamu na landè gumaslenyu di kite Dwata, du fye too fye kasgalakyu di kenen.

Ta Fite 14:13

Na kafnge ayé, nun lingegu talù mdà di langit, manan, “Ani sulatam: Nun kafye i dad to mati mdà di mdu ani ku nun ksasatula di Amuto.” Na tmimel i Mtiu Tulus, manan, “Too ti glut ayé, du gaftud ale di kdee dad nimòla, na nun gdawatla lubay mdà di nimòla.”

Ta Fite 16:15

Ani man i Amuto, “I kasfulêgu salngad di kakel i to tmaku. Bay nun kafye i to ku klon to mantay na falan fatlagad i klawehan du fye là magun flaweh, na là myàan.”

Ta Fite 3:21

Nè to gamfisan kel di gusenan, yé banlégu glal sudeng di safédgu di trunugu. Yé gufasalngadgu dun i kafsudeng Mà do di safédan di kafngegu fmisan i dad sasè.

Ta Fite 7:17

du i Ngà Bilibili déé di trunu, yé i mifat dale, na nalakan ale salu di dad sfut éél mlé nawa. Na nifu Dwata dad lwak maloh di matala.”