I Fye Tulen Gablà ku Dyisas Krayst, i Sulat Luk 12:33 - I Falami Kasafnè (New Testament)

³³ Yé duenam man, ani fye nimòyu. Fabliyu i dad knunyu na banléyu i dad to landè. Na yé kibòyu samtifun knun landè kalmon, dunan i too bong knun ditù di langit du landè ktin. Na là gfusuk déé i dad to mayè tmaku, na landè kanok gamfalmo dun.

I Fye Tulen Gablà ku Dyisas Krayst, i Sulat Luk 12:33 ပူးပေါင်းရင်းမြစ်များ

Matyu 19:21

Na tmimel Dyisas, manan, “Ku mayè ge na too ge tluh, mdà ge na fablim i kdee dad knunam, na blém i wèan di dad to landè knun. Na mdà déé, nun bong knunam ditù di langit. Na kafnge ayé, magin ge di do.”

I Fye Tulen Gablà ku Dyisas Krayst, i Sulat Luk 11:41

Bay ani fye nimòyu, banléyu i dad to landè mdà di nawayu ilè na ta mlaneb i lawehyu na lê man i nawayu.

I Fye Tulen Gablà ku Dyisas Krayst, i Sulat Luk 12:21

Yé kagkah i kdee dad to ku santifunla i dad knunla di tah tanà, bay landè santifunla knun di saféd i Dwata.”

I Fye Tulen Gablà ku Dyisas Krayst, i Sulat Luk 16:9

“Ani man-gu di gamu. Gnamityu i knunyu di ktabengyu i dad to du fye nun kamdo gamu, na balù ku ta mti i knunyu, dnawat Dwata gamu di gumnèan landè sen.

I Fye Tulen Gablà ku Dyisas Krayst, i Sulat Luk 18:22

Na kanto linge Dyisas ayé, manan di kenen, “Lo satu gukulangam. Mdà ge, na fablim i kdee dad knunam, na blém i wèan di dad to landè knun. Na mdà ayé, nun bong knunam ditù di langit. Na kafnge ayé, magin ge di do.”

Dyan 12:6

Ise ku yé duen Dyudas man ayé ku kandon i dad to landè knun, bay du to tmaku kenen, na kenen sa i magot i filak ale Dyisas, na galan nwè i dademen.

Dad Nimò 2:45

Na fablila i dad knunla, na bléla i wèan di dad to nun kalnidù.

2 Korintu 8:2

Too mlimah i dad tilew gafat di dale, bay knèan too bong klehewla. Na mdà di klehewla, too ale mayè mlé, balù ku tukay knunla.