I Fye Tulen Gablà ku Dyisas Krayst, i Sulat Luk 1:46 - I Falami Kasafnè (New Testament)

⁴⁶ Na talù Méri, manan, “Toogu dnayen i Amugu Dwata mdà di nawagu,

I Fye Tulen Gablà ku Dyisas Krayst, i Sulat Luk 1:46 ပူးပေါင်းရင်းမြစ်များ

Roma 5:11

Ise ku lo ayé, bay lê ato flehew du mdà di nimò Dwata fagu ku Dyisas Krayst, dunan i ta samfye gito di Dwata.

1 Korintu 1:31

Yé duenam man, too ti glut i gsulat di Tnalù i Dwata, manan, “Ku mayè ge fagdag, yé lom dag i dad nimò I Amu.”

2 Korintu 2:14

Bay salamat di Dwata du mdà di ksasatuto di ku Krayst nalakan ato di kfiteto i kgaganan. Na gnamitan ato fbel i tdò gablà ku Krayst di kdee to salngad i too fye fangbun.

Filipus 3:3

Bay gito i dad to nun too glut ilè du mangamfù ato di Dwata fagu di Mtiu Tulusan mdà di ksasatuto ku Krayst Dyisas, na ise ayé snaligto i uldin dad to manla gamfalwà gito kun.

Filipus 4:4

Too gamu flehew du mdà di ksasatuyu di Amuto. Na lêgu nulit man, too gamu flehew.

1 Tésalonika 5:23

Mulà moon i Dwata, dunan i mlé ktanak nawa, ftiu gamu, na kamlung i ktoyu—i layefyu, i nawayu, na i lawehyu—du fye landè gumaslenyu kel di kasfulê Dyisas Krayst, i Amuto.

1 Piter 1:8

Na balù ku là lmenyu mite kenen, knèan bong nawayu dun. Na balù ku là teenyu kenen di mdu ani, ta fantooyu. Taman, too gamu flehew i klehew landè gamsngad dun,