Hibru 9:12 - I Falami Kasafnè (New Testament)

¹² Na di kfusuk Krayst ditù di Too Mtiu Snifil di lam i slung ayé, ise ku litè kambing ku demen litè safì i dsùan, bay i kenen litè. Na lo sulêan fusuk du ta sikof kbayadan kdee salà i dad to kel di landè sen.

Hibru 9:12 ပူးပေါင်းရင်းမြစ်များ

Mark 3:29

Bay i to talù sasè gablà di Mtiu Tulus i Dwata, là fnasinsya i salàan, balù kel di landè sen. Too blat i salàan, gten kenen falnayam kel di landè sen.”

I Fye Tulen Gablà ku Dyisas Krayst, i Sulat Luk 1:68

“Dnayento i Amuto Dwata, dunan i fnangamfù i bel Israél, du ta kel kenen di dad ton na banlén ato kagalwà.

Dad Nimò 20:28

Bay neyeyu i ktoyu, na lêyu neye i kdee dad to ta salig i Mtiu Tulus di gamu. Tooyu nifat i dad to ta tanfing Dwata du ta bnayadan ale fagu di litè i Ngàan.

Ifisu 1:7

Fagu di litè Krayst, ta nsò Dwata ato, na ta fnasinsyan dad salàto. Too bong kafye Dwata

Kolosas 1:14

dunan gufagun i kafalwàan na i kfasinsyan dad salàto.

1 Tésalonika 1:10

Na lêla tulen gami i ayèyu fatan i kasfulê Dyisas, i Ngàan mdà di langit, dunan i nték Dwata mdà di fati. Kenen falwà gito mdà di bong kaflayam fan kel.

Titus 2:14

Ta blén i kton di fati du fye falwàan ato di kdee sasè, na lnaneban ato, na nimòan ato kenen nfun, na banlén ato kinit nawa mimò fye.

Hibru 1:3

I kdatah Dwata, teen di Ngàan, na too salngad kagkahan di kagkah Dwata, na kenen magot i klamang banwe fagu di too maltulus talùan. Di kafngen malob dad salà i dad to, ta sudeng kenen gsen di kwanan i Dwata ditù di langit.

Hibru 10:19

Taman, dad flanekgu, ta là gdè ato fusuk di Too Mtiu Snifil du mdà di kfaloh Dyisas i litèan.

Hibru 10:4

du i litè dad safì na dad kambing, là ti gafalmon i dad salà.

Hibru 13:12

Taman, nebela Dyisas lamwà di syudad, na ditù gumatin du fye lnaneban dad to di dad salàla fagu di litèan.

Hibru 5:9

Na kanto sikof i kdee gnagun, mgimò kenen Falwà di kdee dad to mimen di kenen kel di landè sen.

Hibru 7:27

Là salngadan di dademe mnè di bleng du landè gukmamun damsù kat du di kenen kto di laman là damsù di dademe. Lo sulêan damsù di kdee, dunan i kablén i kton di fati.

Hibru 9:13

Di muna, i to magsik di kafaglut i dad Dyu, snabul i dad ganlal kenen litè kambing, na safì, na lê man kaful safì lamnok du fye mlaneb.

Hibru 9:14

Bay too ti bong mgimò i litè Krayst! Fagu di Mtiu Tulus landè gusenan, blén i kton di Dwata du mgimò too sikof dsù. Na i litèan ani lmaneb i fandamto mdà di dad nimòto landè gukel, du fye nimòto i knayè Dwata too mto.

Hibru 9:15

Taman, nimò Krayst i falami kasafnè du fye i kdee dad to ta tlo Dwata, gdawatla i kafye landè sen ta fakang Dwata. Yé duenan mgimò ani du ta nun mati falwà dad to mdà di salà di laman nun i muna kasafnè.

Hibru 9:19

Funa tulen Mosis di dad to i dad dek i uldin. Kafnge ayé, mwè kenen litè safì na kambing nbol éél, na nwèan bul bilibili tninà fulè, na labédan di fanga hisop du lnaban di litè, klon fmilik dun di gugsulat i uldin, na lê man di dad to.

Hibru 9:28

Na salngad ayé Krayst, lo sulêan mati du falmon salà i dad to. Na samfulê kenen dini, bay ta ise ayé duenan salu dini ku lêan bnayad i salà, bay nngén i dad to fatan kenen.

Hibru 9:7

Bay lo i mdatah to mnè di bleng fusuk di Too Mtiu Snifil, na lo men sulê di sfali. Mebe kenen litè dsùan di Dwata mdà di kenen salà, na di salà gimò dad to i là tan-gaadla dun.

Ta Fite 1:5

na lê man mdà di ku Dyisas Krayst, i tmulen kaglutan, dunan i tnanin mték mdà di fati, na magot i kdee dad harì dini di tah tanà. Kanbongan ato nawa, na fagu di litèan maloh di kfatin di krus, ta falwàan ato di dad salàto.

Ta Fite 5:9

Na lmingag ale i satu falami lingag, manla, “Ge i gablà mwè i sulat lnulun, na mwè i dad fadkatan, du ta fnati ge, na fagu di litèam maloh di krus, ta msò ge to mdà di kdee sahal gutambulla, na di sahal talùla, na di sahal adatla, na di sahal banwela du fye nfun Dwata ale.