Hibru 7:11 - I Falami Kasafnè (New Testament)

¹¹ Blé i uldin di dad to Israél mdà di ta kableng i dad bel Libay. Ku ta sikof moon i kableng dad bel Libay, landè nan gukmamu moon satu mnè di bleng ise mdà di bel Aron salngad ku Mélkisidék.

Hibru 7:11 ပူးပေါင်းရင်းမြစ်များ

Galasya 2:21

Là ti tnagakgu i kafye Dwata, du ku yé gumdà Dwata famdam ta tluh i satu to fagu di kimenan i dad dekan, landè gukmamu i kfati Krayst di krus.

Galasya 4:3

Na salngad ayé i kagkahto gito, du di lam là fa kel Krayst, magfasak ato di dad gulmalòto magot i banwe ani.

Galasya 4:9

Bay ani, ta dilèyu i Dwata, na ta lêan gamu dilè. Na kan ku mayè gamu samfulê di dad muna gulmalòyu landè gnagan na landè kamu? Mayè gamu kè ku lê gamu magfasak di dad tdòla?

Hibru 5:10

Na banlé Dwata kenen glal Mnè di Bleng salngad ku Mélkisidék.

Hibru 5:6

Na yé lêan man di satu alel di Tnalù Dwata, “Ge i Mnè di Bleng kel di landè sen salngad ku Mélkisidék.”

Hibru 6:20

Gito i duen Dyisas muna fusuk déé, na ta mgimò kenen Mdatah Mnè di Bleng kel di landè sen salngad ku Mélkisidék.

Hibru 7:10

du di ksitong Mélkisidék di ku Abraham, balù là fa sut ale Libay, knèan gagin ale di kablé Abraham atù, du dale i belan.

Hibru 7:12

Bay du tanlas Dwata i mnè di bleng, lê tanlas i uldin.

Hibru 7:13

I Amuto i santulento ani, mahal i kenen gutambul, na landè lmen mnè di bleng mdà di kenen gutambul ayé.

Hibru 7:15

Midul i toon kbateng kanto msut i satu Mnè di Bleng salngad ku Mélkisidék.

Hibru 7:21

Bay di kalékan ku Dyisas, ta nun kbagal i fakangan, salngad i man di Tnalù Dwata, “Makang i Amu, na là matlas i fandaman, ‘Ge Mnè di Bleng kel di landè sen.’ ”

Hibru 8:7

Ku landè gukulang i muna kasafnè, ta landè moon gukmamu i galwen.

Hibru 9:6

Na kanto gatlagad i kalbong kdee di lam i slung ayé, i dad mnè di bleng, fusuk ale kat du ditù di lam i tnanin snifil du nimòla i dale alel.