Hibru 10:31 - I Falami Kasafnè (New Testament)

³¹ Too ti maglikò i flayam Dwata too mto di dad to gambet ayé ku ta bang Dwata kamfè dale.

Hibru 10:31 ပူးပေါင်းရင်းမြစ်များ

Matyu 10:28

Nang gamu likò di dad to, du lo yé gaganla fnati i lawehyu, bay là gaganla falmo i layefyu. Bay yé gablà kalnikòyu i Dwata du gaganan falmo i lawehyu na lê man i layefyu di lanaw lifoh.

Matyu 16:16

Na tmimel Simon Piter, manan, “Ge sa i Krayst, dunan i Mgalék Dwata. Na ge sa Ngà i Dwata too mto.”

I Fye Tulen Gablà ku Dyisas Krayst, i Sulat Luk 12:5

Bay tulenta gamu ku simto i gablà kalnikò. Yé kalnikòyu i Dwata, du gaganan gamu fnati, na lê kenen gmagan mbat i layefyu di lanaw lifoh. Yé duenam man, kenen i gablà kalnikòyu.

I Fye Tulen Gablà ku Dyisas Krayst, i Sulat Luk 21:11

Na mkel i linol na kbitil na dad sasè tduk di dee dad banwe. Na lê nun dad malbang tnikeng too gamlikò mdà di langit.

Dad Nimò 13:11

Na ani, falnayam Dwata ge. Butè ge, na mlo fa i kitem neng du.” Na di kman Sol ayé, ti tadè butè Ilimas, na fles migef mngabal to malak dun.

2 Korintu 5:11

Du gadèmi too gten kalnikò i Amu, taman too gami meye kfagu mebe i dad to. Ta gadè Dwata i mnè di nawami, na yé kayèmi ku lêyu gadè.

Hibru 10:27

Bay i mkel kadang, too maglikò, kukum na too minit lifoh falmo i dad to matu di Dwata.

Hibru 12:29

du i Dwatato salngad di lifoh kmaan ku nun falnayaman.

Hibru 3:12

Dad flanekgu, too gamu fgeye du fye landè di gamu sasè i mnè di nawan, na là ftoo, na balingan knagol i Dwata too mto.