Hibru 1:6 - I Falami Kasafnè (New Testament)

⁶ Bay di ta fan kdek Dwata i lo sen Ngàan dini di tah tanà, lêan man, “Là fakay ku là mangamfù di kenen i kdee dad kasaligan Dwata.”

Hibru 1:6 ပူးပေါင်းရင်းမြစ်များ

Matyu 24:14

Na funa gatdò i Fye Tulen gablà di Kagot Dwata du fye magtulen i kdee dad to di kdee dad banwe, na yé klon kel i gusenan.

Dyan 1:14

Na kanto mbaling to i Tnalù ayé, ta mnè kenen di safédmi na ta teenmi i kdatahan, na too sikof i kafyen na i kaglutan. Gdawatan i kdatah ani du lo kenen sen Ngà Màan.

Dyan 1:18

Landè to lmen mite i Dwata. Bay i sen Ngàan, dunan i too kanbong nawa i Mà, kenen i fdilè dun di gito, du Dwata kenen.

Dyan 3:16

Du mdà di too kalbong nawa Dwata i kdee dad to di klamang banwe, blén i sen Ngàan du fye nè i to ftoo di kenen, là ti malmon, bay gfunan nawa landè sen.

Roma 8:29

I dad to ta falan nalék, ta lêan tanfing du fye salngad ale di Ngàan du fye i Ngàan mgimò i too twege di kdeela saflanek.

Kolosas 1:15

I Dwata, là teen dun, bay teen déé di ku Krayst i lo sen Ngà Dwata, na mdatah kenen di kdee nimò Dwata.

Kolosas 1:18

Na Krayst i ulu di kdee dad to ftoo, dunan i lawehan. Kenen i mlé nawa di dale, na kenen i tnanin nték di bleng i dad mati du fye kenen mdatah di kalbong kdee.

Hibru 1:5

Du là lmen Dwata man di balù satu kasaligan, “Ge i Ngàgu, na di mdu ani, ta mgimò agu i Màam.” Du ise dad kasaligan gugtadè di kmanan ani, “Do i Màan, na kenen i Ngàgu.”

Hibru 10:5

Taman, di fan ksalu Krayst dini di tah tanà, manan di Dwata, “Ise ku lmanaf na dad tadè blé i knayèam, bay nun tagàam do laweh du dsù.

1 Piter 3:22

Na ta mbatun kenen ditù di langit, na di bang ani, ta ditù kenen di kwanan i Dwata, na kenen magot i dad kasaligan i Dwata, na i kdee nun glal, na i kdee maltulus.

1 Dyan 4:9

Na ani kibò Dwata fite i kakdon di gito, dekan i sen Ngàan dini di tah tanà du fye gfunto nawa landè sen fagu di kenen.

Ta Fite 1:5

na lê man mdà di ku Dyisas Krayst, i tmulen kaglutan, dunan i tnanin mték mdà di fati, na magot i kdee dad harì dini di tah tanà. Kanbongan ato nawa, na fagu di litèan maloh di kfatin di krus, ta falwàan ato di dad salàto.