Dyan 7:32 - I Falami Kasafnè (New Testament)

³² Na linge dad Farisi i ksutab i kdee dad to gablà ku Dyisas. Taman, i dad Farisi na i dad ganlal di kafaglut i dad Dyu, mdek ale dad sundalu du kanfèla Dyisas.

Dyan 7:32 ပူးပေါင်းရင်းမြစ်များ

Matyu 12:14

Bay i dad Farisi, lamwà ale, na santulenla ku dét kibò kfatila ku Dyisas.

Matyu 23:13

Na man Dyisas, “Magakdo gamu, dad to gal tamdò dad uldin Dwata fagu di ku Mosis na dad Farisi. Too gamu falnayam mdà di kaflinguyu. Nsangyu i dalan dad to fusuk di Kagot Dwata di langit. Là mayè gamu fusuk na ku simto i mayè, là ti falohyu dun.

Matyu 26:58

Na lê lmalò Piter, bay kibò kenen fawag kel di nasel gumnè Kayafas. Fusuk kenen déé na sudeng di saféd i dad to mantay du fye gadèan ku dét i mkel.

Dyan 11:46

Bay i dademe, salu ale di dad Farisi, na tulenla dale i dad nimò Dyisas.

Dyan 12:19

Taman, ta stulen dad Farisi, manla, “Neyeyu. Ta landè mgimòto, du ta magin di kenen i kdee.”

Dyan 18:3

Taman, gatù Dyudas, na faginan dee sundalu na dademe to mantay di Bong Gumnè Gumangamfù di Dwata du ta dek dad mdatah ganlal di kafaglut na dad Farisi ale. Na mebe ale dad tek na dad falitan na dad salò bnakas.

Dyan 7:30

Taman, tilewla kamfè kenen, bay landè gaganla nimò du là fa kel i bangan.

Dad Nimò 5:26

Na kantola linge ayé, ta mdà i ulu i dad mantay na i dademen salu ditù di Bong Gumnè ayé, na nebela samfulê i dad to dek Dyisas. Bay là falnayamla ale du likò ale di dad to keng ndakla ale batu.