Dyan 6:32 - I Falami Kasafnè (New Testament)

³² Bay man Dyisas di dale, “Too ti glut i man-gu di gamu, ise ku Mosis i mlé knaan atù mdà di langit, bay Màgu i gal mlé i too knaan mdà di langit.

Dyan 6:32 ပူးပေါင်းရင်းမြစ်များ

Dyan 1:9

Ani sa i too glut Salò salu dini di tah tanà tmuyal di kdee dad to.

Dyan 15:1

“Do i glut laweh i grép, na Mà i mifat dun.

Dyan 6:31

Di munan, gamkaan i dad gutambulmi di banwe landè to mnè ditù i knaan dnagit mana salngad di ta gsulat di Tnalù i Dwata, manan, ‘Banlén ale knaan mdà di langit du fkaanan dale.’ ”

Dyan 6:33

Du yé knaan blé Dwata dunan i tufa mdà di langit na mlé nawa di dad to di klamang banwe.”

Dyan 6:35

Na man Dyisas di dale, “Do sa i knaan mlé nawa. Nè i to salu di do, ta là ti bitilan, na nè i to ftoo di do, ta là malinuman.

Dyan 6:41

Mungag i dad Dyu du man Dyisas, “Do i knaan tufa mdà di langit.”

Dyan 6:50

Bay mahal i knaan tufa mdà di langit, du nè i to kmaan dun, là sa matin.

Dyan 6:55

du i ungadgu too glut knaan, na i litègu too glut ninum.

Dyan 6:58

Yé knaan mdà di langit. Là ti salngadan di mana knaan i dad gutambulyu di munan du balù kmaan ale, knèan mati ale. Bay nè i to kmaan i knaan man-gu ani, mlawil kel di landè sen.”

Galasya 4:4

Bay kanto kel i bang ta fala nalék Dwata, dekan i Ngàan sut di satu libun, na glam kenen di dad Dyu mgebe i uldin,

1 Dyan 5:20

Na lêto gadè ta salu dini di tah tanà i Ngà Dwata, na ta banlén ato kaglabat du fye gadèto i too glut Dwata. Na ta sasatu ato di too glut Dwata, na di Ngàan, dunan Dyisas Krayst. Kenen i too glut Dwata, na i gutambul i nawa landè sen.