Dyan 21:7 - I Falami Kasafnè (New Testament)

⁷ Na i satu to too kanbong nawa Dyisas, manan ku Piter, “Amuto sa ayé.” Na kanto gadè Simon Piter na Dyisas kadì i tadag déé, ta lsakan i saulan, (du là smaulan gine), na faltò di lam i éél, na fles kmahung salu di ku Dyisas.

Dyan 21:7 ပူးပေါင်းရင်းမြစ်များ

Mark 11:3

Na ku nun to smalek gamu, na manan, ‘Kan ku nimòyu ayé?’ ani manyu di kenen, ‘Nun gukmamu i Amu dun, na lêan fulê dini kadang.’ ”

I Fye Tulen Gablà ku Dyisas Krayst, i Sulat Luk 12:35

“Fatlagad gamu di kasfulêgu salngad i dad snalig fatan i kasfulê i amula fdu di ksong. Ani falala nimò, smaul ale na mtam ale salò, du fye ku ta kel kenen fakayla gasil nukà i takab di kbalan, du ta sana ale gatlagad.

I Fye Tulen Gablà ku Dyisas Krayst, i Sulat Luk 2:11

Di mdu ani, ta sut di banwe Dabid i Falwà, dunan Krayst i Amuto.

I Fye Tulen Gablà ku Dyisas Krayst, i Sulat Luk 7:47

Yé duenam man, too glut i manta ge ani, balù too dee dad salàan, ta magfasinsya nan, na yé gugmadè dun, ta fiten i bong kakdon. Bay i to là dee salàan balù ta magfasinsya, tukay sa i kakdon.”

Dyan 13:23

Na satu di dale, i to too kanbong nawa Dyisas, fihil di ku Dyisas.

Dyan 19:26

Na kanto teen Dyisas i yêan na i satu to galan tdò i toon kanbong nawa, manan di yêan, “Libun, yé sa i ngàam.”

Dyan 20:2

Taman, milah kenen salu di ku Simon Piter, na lê i satu to gal tdò Dyisas i toon kanbong nawa. Na di kakelan déé, manan di dale, “Ta nwèla laweh i Amuto, na là gadèmi ku nè gumkahla dun.”

Dyan 20:20

Na kafngen man ayé, ta fiten di dale i dad falelan na i lohokan. Na too ale flehew du ta teenla i Amula.

Dyan 20:28

Na man Tomas di kenen, “Amugu na Dwatagu.”

Dyan 21:20

Bay kanto kmangél Piter, ta teenan i satu to too kanbong Dyisas nawa, dunan i fihil di ku Dyisas na smalek di lamla kmaan ku simto i makal kenen.

Dyan 21:24

Do i to galan tdò tmulen gablà di dad mgimò ani fagu di sulat. Na gadèmi na too ti glut i kdee dad tulen-gu.

Dyan 21:8

Na fles maweng i dademe, dyolla i fukatla fnò nalaf du ta mdadong ale di kilil, nun dad syem falò mitru kè i kawagan.

Dad Nimò 10:36

Ani fgadè Dwata di dad to di Israél, dunan i katdò i Fye Tulen gablà di ktanak nawa fagu ku Dyisas Krayst, dunan i Amu i kdee.

Dad Nimò 2:36

“Yé duenam man, fye ku too gadè i kdee dad to di Israél na Dyisas, i fafatakyu di krus, kenen i ta nimò Dwata Amu na Krayst.”

1 Korintu 15:47

I tnanin to, mdà di tanà, bay i galwen mdà di langit.

2 Korintu 5:14

Yé mebe gami i kakdo Krayst, du gadèmi lo satu to mati tlas laweh i kdee. Na yé kayèan man, i kdeeto magin di kenen mati.

Dyém 2:1

E dad flanekgu, di kaftooyu di too mdatah Amuto Dyisas Krayst, nangyu nalék ku simto nafèyu.