Dyan 21:1 - I Falami Kasafnè (New Testament)

¹ Kafnge ayé, ta lê fite Dyisas di dad to galan tdò di Lanaw Tibiryas. Na ani i kfagun fite i kton.

Dyan 21:1 ပူးပေါင်းရင်းမြစ်များ

Matyu 26:32

Bay ku ta mték agu mdà di fati, muna agu di gamu ditù di Galili.”

Matyu 28:16

Na ta mdà dad sfalò satu to galan tdò gatù di Galili. Na fles ale di bulul i ta fala man Dyisas dale.

Matyu 28:7

Na gasil gamu salu di dad to galan tdò, na manyu di dale, ‘Ta nték kenen mdà di fati, na muna kenen di gamu salu di Galili. Ditù gumiteyu dun.’ Yé man-gu di gamu.”

Mark 16:12

Kafnge ayé, nun lwe to magu di bulul, na tadè msut Dyisas di dale, na ta mgilih i bawehan.

Mark 16:14

Kafnge ayé, fite Dyisas i kton di sfalò satu gdè to galan tdò di lamla kmaan. Nngakan ale du là ftoo ale di man i dad to ta mite kenen du magéng ulula.

Mark 16:7

Mdà gamu, na tulenyu ani di dad to galan tdò, balù di ku Piter. Ani i manyu, ‘Ta muna Dyisas ditù di Galili. Ditù gumiteyu dun salngad i ta manan di gamu di munan.’ ”

Dyan 21:14

Na yé ta gatlun dulê fite i kton di dale mdà di ktékan di fati.

Dyan 6:1

Kafnge ayé, ta mifal Dyisas di Lanaw Galili, ku demen Tibiryas.

Dyan 6:23

Bay nun dad aweng mdà di banwe Tibiryas dmuung déé di saféd i gukmaan dad to i fan di ta kafnge i Amuto fasalamat.

Dad Nimò 1:3

Kafngen mati, fat falò butang klon fite i kton di dad to ayé, na nun fiten di dale dad ilè gugmadèla dun ta lê mték kenen mdà di fati. Teenla kenen, na lêan ale tdò gablà di Kagot i Dwata.