Dyan 19:25 - I Falami Kasafnè (New Testament)

²⁵ Na nun dad libun tadag déé di saféd krus Dyisas, dunan i yêan, na flanek yêan, na lê Méri, dunan yaan i satu lagi dnagit Klofas, na lê Méri Magdalin.

Dyan 19:25 ပူးပေါင်းရင်းမြစ်များ

Matyu 12:46

Lam Dyisas tamdò di dad to stifun déé, tadag yêan na i dad flanekan ditù di lwà du mayè ale stulen di kenen.

Mark 16:9

Na kanto mték Dyisas di du Linggu, yé muna gufiten i kton di ku Méri Magdalin, dunan i libun gufalwàan fitu busaw di munan.

I Fye Tulen Gablà ku Dyisas Krayst, i Sulat Luk 2:35

Na yé duenam man, too ti gadè i kdee gbuni i dad to. Na balù ge, Méri, too sè klidùam, sawe lnahul ge sundang.”

I Fye Tulen Gablà ku Dyisas Krayst, i Sulat Luk 23:49

Na i kdee dad to gmadè kenen, kel di dad libun tmadol di kenen mdà di Galili, tadag ale di gumawagan du fye teenla i kdee mkel.

I Fye Tulen Gablà ku Dyisas Krayst, i Sulat Luk 24:18

Na satu di dale, yé dagitan Klifas, talù kenen, manan, “Di kdee dad to mnè di Dyérusalém, lo ge kè i là gmadè i mkel déé falami ani.”

I Fye Tulen Gablà ku Dyisas Krayst, i Sulat Luk 8:2

Na lê nun magin di dale dad libun ta mgulê di kfusuk i busaw dale na i dad sahal tduk. Yé dagit i satu libun ayé Méri Magdalin, i gufalwà Dyisas fitu busaw.

Dyan 20:1

Na di too flafus Linggu, ta mdà Méri Magdalin salu di lbang Dyisas, bay kakelan déé, teenan ta mlulid i bong batu mdà di bà i ilib.