Dyan 15:15 - I Falami Kasafnè (New Testament)

¹⁵ Ta là tlota gamu dad fasakgu du là ti gadè i fasak nimò i amun. Bay yé ta katlogu gamu dademegu sgalak du ta fgadègu di gamu i kdee dad lingegu mdà di ku Mà.

Dyan 15:15 ပူးပေါင်းရင်းမြစ်များ

Matyu 13:11

Na tmimel Dyisas, manan, “Faglabatgu di gamu i dad gbuni gablà di Kagot Dwata, bay là faglabatgu dun di dademe.

I Fye Tulen Gablà ku Dyisas Krayst, i Sulat Luk 10:23

Na ta lêan neye i dad to galan tdò, na manan di lo dale, “Gamu dad to ta mite i dad mgimògu, ta too gamu banlé kafye.

Dyan 12:26

Nè to mayè fafasak di do, là fakay ku làan tmadol di do, du fye balù ku nè agu, déé kenen di safédgu. Na nè to fafasak di do, dag Mà kenen.”

Dyan 13:16

Too ti glut i man-gu di gamu. Là ti mdatah i fasak di amun, na là mdatah i to dek di to mdek kenen.

Dyan 15:20

Fandamyu i ta man-gu di gamu. Landè fasak mdatah di amun. Du fansasèla agu, lêla gamu fansasè. Ku nimenla i man-gu, lêla nimen i gamu man.

Dyan 16:12

Dee fa dad kayègu man di gamu, bay là fa gdawatyu dun.

Dyan 17:26

Ta fdilèta ge di dale, na fanlesgu mimò dun du fye gdawatla i kalbong nawam do, na mnè agu di dale.”

Dyan 20:17

Na man Dyisas di kenen, “Nangam agu tayò nagot du là fa mbatun agu salu di ku Mà. Bay gatù ge di dad to galgu tdò, na tulenam dale na ta fan agu mbatun salu di ku Mà, dunan i Màyu, i Dwatagu, dunan i Dwatayu.”

Dyan 4:19

Na man i libun ayé di kenen, “Fantoogu na ge satu tugad i Dwata.

Dyan 8:26

Dee fa kayègu man na nukum di gamu. Bay too glut i mdek do, na nè i lingegu di kenen, yé tulen-gu di dad to di tah tanà.”

Dad Nimò 20:27

du ta sdulêgu tulen di gamu i kdee knayè Dwata.

Roma 7:15

Là glabatgu i ktogu, du là nimògu i knayègu nimò. Baling yé nimògu i kdee là knayègu.

1 Korintu 2:16

Dunan i man-gu ayé du ani ta gsulat di Tnalù Dwata, manan, “Landè to gmadè i fandam Dwata na landè to gmagan falmau kenen.” Bay ta dini di gito i fandam Krayst.

Galasya 4:6

Na yé gudmilè dun ta ngà gamu i Dwata, du ta dek Dwata i Tulus Ngàan mnè di nawayu, na mdà ayé ta fakayyu tlo i Dwata “Mà.”

Ifisu 1:9

nimò Dwata i ta fnaleh nawan, na fiten di gito i knayèan nimò fagu di ku Krayst i là lmenan fgadè di munan.

Ifisu 3:5

Di munan, là tulenan ani di dad to, bay ani ta fgadèan fagu di Mtiu Tulus, na fgafatan di dad to dek Dyisas Krayst na di dad tugad Dwata.

Kolosas 1:26

Na yé bunin di dad to di munan, bay ani, ta fgadèan di dad ton.

Filimun 1:16

Na ku ta samfulê kenen déé di ge, ta ise ku lo fasakam, bay mabtas kenen fa di fasak du ta flanekam di kaftoo di ku Krayst. Na balù ku too kenen mabtas di do, bay mas mabtas fa di ge du fasakam, na lê man flanekam di ku Krayst i Amuto.

Dyém 1:1

Do, Dyém, satu snalig Dwata, na i Amuto Dyisas Krayst febe i sulat ani. Kumusta di kdeeyu dad to nfun Dwata ta sbalét di klamang banwe.

Dyém 2:23

Na fagu déé, ta gdohò i man di Tnalù Dwata, “Fantoo Abraham Dwata, na mdà déé ta tluh kenen di kite Dwata.” Na yé katlo Dwata dun demen sgalak.

1 Piter 1:11

Yé fanngaballa ku dét du na ku dét i kibòan kel. Ani i du man i Tulus Krayst ta déé di dale, du falan tulen i dad kaflayam gnagu Krayst, na lê man i kdatah gdawatan kafnge i dad kaflayam.

2 Piter 1:1

Do, Simon Piter, gumdà i sulat ani, i satu snalig na dek Dyisas Krayst. Na yé gugtadèan di dad to ta gamdawat i mabtas kaftoo salngad di gami, du mdà di katluh i Dwata na Dyisas Krayst, i Falwà.

Dyud 1:1

Do, Dyud, febe i sulat ani, satu fasak Dyisas Krayst, na i flanek Dyém. Na yé gugtadèan di dad to ta tlo Dwata i mnè di kalbong nawa i Màto Dwata, na di kifat Dyisas Krayst.

Ta Fite 1:1

Di libru ani gugsulat i ta fite Dyisas Krayst. Ta fgadè Dwata ku Krayst i dad fan mkel du fye fiten di dad snaligan, na fafgadè Krayst ani di satu snaligan, dunan Dyan, fagu di kasaliganan.